Guillermo del Toro
Na Galipedia, a wikipedia en galego.
Guillermo del Toro (9 de outubro de 1964, Guadalaxara, Jalisco) é un director de cine mexicano.
Del Toro empezou a filmar desde adolescente, cando estaba no Instituto de Ciencias. Pasou dez anos en deseño de maquillaxe e formou a súa propia compañía Necropia antes de poder ser o produtor executivo do seu primeiro filme ós 21 anos. Foi co-fundador do Festival de cine de Guadalaxara e creou a compañía de produción Tequila Gang.
En 1998 o seu pai foi secuestrado en México; tras conseguir a súa liberación mediante o pago dun rescate, Del Toro decidiu mudarse ó estranxeiro e actualmente vive nos Ánxeles, EEUU
Dirixiu unha ampla variedade de películas, desde adaptacións de cómics como (Hellboy e Blade II) a películas de terror e fantasía histórica, dúas das cales sitúanse en España na época da Guerra Civil Española e o, inmediatamente posterior réxime ditatorial do Xeneral Francisco Franco. Estas dúas películas, El espinazo del diablo e El laberinto del fauno, son os seus dous traballos máis aclamados pola crítica. Tamén comparten aspectos similares: protagonistas (nenos pequenos) e temática (como a relación terror/fantasía e o vivir baixo un réxime fascista ou ditatorial).
Guillermo Del Toro caracterízase por imprimir unha estética e ambientación espectaculares ás súas películas, creando ambientes tétricos e atafegantes ou situacións máxicas e fantásticas. O seu estilo está marcado polo seu gusto pola bioloxía e pola escola de arte simbolista, a súa fascinación polo mundo fantástico desde o punto de vista dos contos de fadas e o seu gusto polos temas escuros. Os seus traballos inclúen frecuentemente monstros e/ou seres fantásticos. Del Toro sempre afirmou estar "namorado dos monstros. A miña fascinación cara a eles é case antropolóxica... estúdoos, diseccionoos nalgunhas das miñas películas: quero saber como funcionan, que aspecto teñen por dentro e como se comportan". Tamén ten unha lista doutras cousas que lle fascinan e que se converteron en pezas habituais das súas películas: "teño unha especie de fetichismo polos insectos, reloxeiros, monstros, lugares escuros, cousas sen nacer...".
Guillermo del Toro é tamén amigo de dous directores mexicanos aclamados pola crítica: Afonso Cuarón e Alejandro González Iñárritu. Os tres inflúen ás veces nas decisións dos demais en cuestións de dirección, foron entrevistados xuntos por Charlie Rose, e Cuarón foi un dos produtores de El laberinto del fauno. Os tres foron nomindos ós Premios Oscar 2006, entregados en febreiro de 2007 -del Toro foi nominado por El Laberinto del Fauno (que obtivo 6 nominacións, incluíndo Mellor Película de Lingua Estranxeira), Cuarón por escribir e editar Children of Men e Iñárritu por producir e dirixir Babel.
Índice |
[editar] Galardóns
[editar] Premios Goya 2006
Entregados o 28 de xaneiro de 2007.
| Categoría | Persoa | Resultado |
|---|---|---|
| Mellor película | Candidata | |
| Mellor director | Guillermo del Toro | Candidato |
| Mellor actor | Sergi López | Candidato |
| Mellor actriz | Maribel Verdú | Candidata |
| Mellor actriz revelación | Ivana Baquero | Gañadora |
| Mellor guión orixinal | Guillermo del Toro | Gañador |
| Mellor fotografía | Guillermo Navarro | Gañador |
| Mellor montaxe | Bernat Vilaplana | Gañador |
| Mellor dirección artística | Eugenio | Candidato |
| Mellor música orixinal | Javier Navarrete | Candidato |
| Mellor son | Miguel Polo, Martín Hernández | Gañadores |
| Mellor maquillaxe e barbería | José Quetglas, Blanca Sánchez | Gañadores |
| Mellores efectos especiais | David Martí, Reyes Abades, Montse Ribe | Gañadores |
[editar] Premios BAFTA 2006
Entregados o 11 de febreiro de 2007.
| Categoría | Persoa | Resultado |
|---|---|---|
| Mellor película de fala non inglesa | Gañadora | |
| Mellor guión orixinal | Guillermo del Toro | Candidato |
| Mellor fotografía | Guillermo Navarro | Candidato |
| Mellor deseño de produción | Eugenio | Candidato |
| Mellor deseño de vestiario | Lala Huete, Rocío Redondo | Gañadoras |
| Mellor son | Miguel Polo, Martín Hernández | Candidatos |
| Mellor maquillaxe e barbería | José Quetglas, Blanca Sánchez | Gañadores |
| Mellores efectos visuais | Everett Burrell | Candidato |
[editar] Premios Oscar 2006
Entregados o 25 de febreiro de 2007
| Categoría | Acode | Resultado |
|---|---|---|
| Mellor película estranxeira | Candidata
(por México) |
|
| Mellor fotografía | Guillermo Navarro | Gañador |
| Mellor guión orixinal | Guillermo del Toro | Candidato |
| Mellor maquillaxe | David Martí, Montse Ribé | Gañadores |
| Mellor banda sonora | Javier Navarrete | Candidato |
| Mellor dirección artística | Eugenio , Pilar Revuelta | Gañadores |
[editar] Filmografía
- Doña Lupe (1985)
- Geometria (1987)
- Cronos (La Invención de Cronos) (1993)
- Mimic (1997)
- El espinazo del diablo (2001)
- Blade II (2002)
- Hellboy (2004)
- El laberinto del fauno (2006)
- Hellboy 2: The Golden Army (2008)
