Dar es Salaam
Na Galipedia, a wikipedia en galego.
| Mapa | |
|---|---|
 |
|
| Información | |
| País |  Tanzania |
| Rexión | Rexión de Dar es Salaam |
| Superficie | 162,5 km2 |
| Poboación | 2.698.651 (2006) |
| Densidade | 16.607,07 h/km² |
| Alcalde | Adam Kimbiso |
 |
|
Dar es Salaam (en árabe دار السلام), antigamente chamada Mzizima, é a cidade maior de Tanzania cunha poboación estimada de arredor de 2.698.651 habitantes a 1 de xaneiro de 2005. É o principal centro económico e foi a capital do país até 1996. É tamén a capital da rexión homónima.
Sita na costa do Océano Índico, Dar es Salaam é o principal porto de Tanzania, por onde se xestionan as exportacións de cafè, cotone, pita e peles. As industrias locais comprenden a alimentar, téxtile, cemento e farmacéuticas.
[editar] Xeografía
Dar es Salaam está situada aproximadamente a 6°48' S, 39°17' E, na costa do Océano Índico sobre un grande porto natural. Tal ubicación, cercana á liña ecuatorial e ao mar, fai que a cidade se vexa nun clima tropical, caracterizado por calor e humidade ao longo de case todo o ano. A pluviosidade promedio anual é sobre 1.100 mm, con dúas estacións chuviosas diferentes, ditas "as chuvias duradeiras" en abril e maio, e as "chuvias curtas" en outubro e novembro. A temperatura media anual e de 25,5 ºC.
[editar] Historia breve
No 1859, o alemán Albert Roscher achégase a Mzizima ("cidade salutífera") e pon os primeiros chanzos para a penetración xermana na zona. En 1866 o sultán Said Majid de Zanzíbar deulle o seu nome actual, unha frase en língua árabe que significa Porto da Paz. Dar es Salaam comezou a declinar logo da morte de Majid en 1870. Mais poucos anos despois veuse revitalizada, cando en 1887 a Compañía Alemana da África Oriental estabeleceu nela unha escala. O medramento da cidade foi facilitado ao exercer o papel de centro administrativo e comercial da África Oriental Alemana, á par que a construción da "Liña Ferroviaria Central" fomentaba o seu crecemento inustrial nos comezos do século XX.
A África Oriental Alemana pasou a mans británicas a consecuencia da Primeira Guerra Mundial, pasando a ser denominada Tanganica. Dar es Salaam mantén o seu rol de centro administrativo e comercial. Sob o goberno indirecto dos británicos, desenvolvéronse áreas separadas, europeas (por exemplo Oyster Bay) e africanas (como Kariakoo e Ilala) a certa distancia do centro da cidade. Ademais a actividade de Dar es Salaam atraeu a un grande número de asiáticos, que se asentaron na urbe.
Logo da Segunda Guerra Mundial, Dar es Salaam experimentou un período de rápido medramento. Despois da obtención da independencia de Tanganica en decembre de 1961, Dar es Salaam continuou a exercer de capital, mesmo cando en 1964 Tanganica e Zanzíbar se uniron para formar Tanzania. Desde 1973 déronse condicións para deslocar a capital a Dodoma, unha cidade situada no interior do país. O proceso de traslado non está aínda completado, entanto Dar es Salaam continúa ser a principal cidade de Tanzania.
