Compiègne

Na Galipedia, a wikipedia en galego.

Compiègne é unha cidade francesa de tamaño medio situada no departamento do Oise, na rexión de Picardía.

Índice 1 Xeografía 2 Historia 3 Cidades irmás 4 Véxase tamén 4.1 Ligazóns externas

[editar] Xeografía

Compiègne está situada na confluencia dos ríos Oise e Aisne. Está a 65 quilómetros ao norte de París e, polo tanto, dentro da súa área de influencia. Limita ao oeste polo Oise, ao leste polo bosque comunal de Compiègne, ao norte polo Aisne e ao sur limita con Croix-Saint-Ouen. A estación de tren está situada na beira dereita do Oise.

En Compiègne viven unhas 43.380 persoas (datos de 1999), se ben en toda a área urbana que conforma había nese ano 108.234 habitantes.

[editar] Historia

Na época galo-romana, Compiègne era un lugar de vao do Oise, onde cruzaban unha rede de vías secundarias na fronteira dos territorios de (Beauvais) e de (Soissons). A ponte atopábase nun lugar chamado o cercado das rosas. O nome de Compiègne vén do latín compendium, que quere dicir 'atallo'.

Co nome de vila real, Compiègne pertenceu á coroa de Francia dende a época dos merovinxios. Pola súa importancia estratéxica e a súa proximidade a París, Compiègne foi sede da sinatura de diversos acordos, tratados e treguas dende antigo tempo, así como doutros importantes acontecementos da historia de Francia. Por exemplo, Xoana de Arco foi apreixada nas súas proximidades, ao tentar cruzar o Oise, e o pazo e o castelo foron utilizados durante un tempo como residencia dos reis de Francia.

[editar] Cidades irmás

• Landshut, Alemaña, dende 1962
• Huy, Bélxica, dende 1959
• Raleigh, Carolina do Norte, Estados Unidos, dende 1989
• Kiryat Tivon, Israel, dende 1988
• Arona, Italia, dende 1962
• Vianden, Luxemburgo, dende 1964
• Shirakawa, Xapón, dende 1988
• Elbląg, Polonia, dende 2002
• Bury St Edmunds, Inglaterra, Reino Unido, dende 1967

[editar] Véxase tamén

[editar] Ligazóns externas

• Web oficial do concello de Compiègne