Cadmo
Na Galipedia, a wikipedia en galego.
Cadmo (ou Cadmos) é unha figura da mitoloxía grega, fundador da cidade grega de Tebas.
Era fillo de Axenor, rei de Tiro, en Fenicia, e de Telefasa, e irmán de Europa.
Cando Zeus, transformado nun touro, raptou á bela Europa, o pai, Axenor, enviouno xunto con seus irmáns Fénix e Cilix, na súa busca, avisándoos de que voltasen até atopala.
Cadmo despois de percorrer boa parte da Terra sen achar á irmá, decidíu non tornar ao seu país. Achegouse a Delfos e consultou o se célebre oráculo, sobre o lugar onde debería vivir. O oráculo aconsellou que cando atopase unha vaca que non coñecese xugo, a seguise, e onde parase a pastar, que fundase unha cidade e chamase ao país Beocia.
Ao pouco tempo de abandonar Delfos, encontrou Cadmo a vaca, e cando se parou esta, decidíu facer un sacrificio en honra a Atenea. Pedíu aos seus compañeiros, que fosen buscar auga dunha fonte cercana sita nunha cova. Cando os compañeiros compriron o mandado, atoparon cun dragón que custodiba a gruta. O dragón acaba con todos.
Extrañado da tardanza dos seus amigos, Cadmo armado, diríxese cara a cova. Contempla horrorizado a matanza, mais non dubida en atacar o monstro e matalo. Aparéceselle entón Atenea e aconséllalle que semente en terra os dentes do dragón a fin de obter "un novo pobo". Confundido sobre o sentido do consello, Cadmo, porén, realiza o mandado: ara os campos e bota no regos os dentes.
Dos dentes surxen logo homes armados, que pelexan entre si. Fican só cinco vivos, que se converten nos novos compañeiros de Cadmo e o axudan a construír a cidade. Recibe o nome de Tebas.
Porén a esposa de Zeus, Xuno, que non podía esquecer que Cadmo era irmán de Europa, amante do seu home, non estaba contenta e atraeu a desgraza na súa familia: Ino botouse no mar, nun arrouto. Semele morreu víctima dos raios de Zeus. Un neto, Penteo foi despedazado polas ménades, e outro, Acteón, foi despedazado polos seus propios cans. Por último o seu propio pobo tebano, levantouse contra el, e o mesmo Diónisos destruíu o seu pazo, de xeito que Cadmo e a súa esposa, Harmonía, xa anciáns, buscaron refuxio na Iliria, onde foron finalmente transformados en serpes.
