Q dokumentua
Wikipedia(e)tik
Q dokumentua edo Q iturria (alemanierazko Quelle -iturria- hitzetik eratorria) Mateoren eta Lukasen ebanjelioen ustezko iturri galdua da.
Izan ere, hiru ebanjelio sinoptikori dagokionez, (Markos, Mateo eta Lukasenak), hitz-hautaketan eta gertakarien kokapenetan haien arteko harremana antzematen da. Arazoa da harreman horren nondik norakoa zehaztea. Oro har onartzen da Markosena idazten lehena izan zela, eta beste biren iturria izan zela. Baina horretaz gain, XIX. mendeko Itun Berriko adituak ohartu ziren Mateo eta Lukasen ebanjelioek Markosen Ebanjelioan agertzen ez zen material andana partekatzen zutela. Hori dela eta, beste amankomuneko bigarren iturri bat proposatu zen, Q iturria hain zuzen ere. Balizko testu galdu hau, Jesusen esanen bilduma izango litzateke.
