Hesperidezed
Diwar Wikipedia, an holloueziadur digor
An Hesperidezed (Ἐσπερίδες / Hesperídes e gregach) a oa teir gwreg yaouank, nimfezed kaer ha dibreder a oa o chom e penn pellañ an douar, e-lec'h ma ya an Heol da guzh, hervez mojennoù Hellaz kozh.
Tud zo o deus klasket lec'hiañ o liorzh e Lybia, pe e Maroko, e-kichen Tanger, pe en un enezenn er-maez da Spagn.
[kemmañ] Piv e oant
O anvioù a oa
- Aegle,
- Eritia
- ha Hesperaretousa,
met kemm a reont hervez doareoù ar vojenn.
Merc'hed e oant da Atlas ha Hesperis, pe d'an Noz, pe da Forkis ha Keto, hervez ar mojennoù.
Mann ne raent nemet diwall avaloù-aour o liorzh, gant skoazell an aerouant Ladon.
Brudet e oa an avaloù-aour se peogwir e oant bet roet da Hera, da zeiz hec'h eured, gant Gaia he mamm. Herakles a deuas d'o laerezh, gant skoazell Atlas, ha kement-se a voe unan eus e droioù-kaer.
