Ac'heron
Diwar Wikipedia, an holloueziadur digor
An Ac'heron (Αχέρων / Akhérôn e gregach ) zo war un dro ur stêr eus Epiros en Hellaz, hag unan eus stêrioù an Ifernioù hervez mojennoù Hellaz kozh.
Taolenn |
[kemmañ] An douaroniezh
Emañ ar stêr o redek en Epiros, e gwalarn Hellaz, damdost da gêr Parga, hag er vro a zo dirak enez Korfou. En em deurel a ra el lenn Acherusia.
Div adstêr zo d'an Ac'heron-se: ar Piriflegetontes hag ar stêr Kokitos.
[kemmañ] Ar vojenn
Mab eo da Helios, an Heol, ha Gaia , an Douar. Dimezet eo d'an nimfenn Orfne, ha tad eo da Askalafos. Taolet e voe gant Zeus en Ifernioù dre an abeg ma en doa roet e zour d'evañ d'an Ditaned emsavet enep an doueed.
C'haron eo anv an treizher a vez gant e vag o roeñvat war an Ac'heron etre ar melloù kerreg ruilhet-diruilhet gant an doue-stêr.
[kemmañ] Geriadur
Akeron eo an anv e geriadur brezhonek-gallek Roparz Hemon.
[kemmañ] Pennadoù kar all
- Ar stêr Stiks.
