Chuan I d'Aragón
De Biquipedia
|
||
| Informazión | ||
|---|---|---|
| Rei en |  Aragón |
|
| dende | 1350 | |
| dica | 1396 | |
| Prezedito por | Pietro IV | |
| Suzedito por | Martín I | |
| Naximiento | 5 d'otubre de 1319 | |
| Muerte | 5 de chinero de 1387 | |
Chuan I d'Aragón, dito también lo Cazataire u l'Amador d'a chentileza (Perpiñán, 1350 - † Foixà, 1396), estió rei d'Aragón (1387-1396). Fillo e suzesor de Pietro IV e d'Alionor de Sizilia.
Se casó con Marta, filla d'o conte d'Armagnac e nieta d'o rei Chuan II de Franzia, con a que abió una filla, Chuana, que se casó con Mateo, conte de Foix. En 1380 se casó por segunda begata con Biolant de Bar, filla de Roberto, duque de Bar e de María, chirmana de Carlos o Sabio, rei de Franzia.
Chuan I abió ziertas esferencias con o suyo suegro, lo conte d'Armagnac. As tropas d'o conte, baxo as ordens de Bernardo, chirmán d'o conte d'Armagnac, embadioron l'Ampurdán e plegoron dica Chirona (1389-1390); estioron refusatos por as tropas d'o infant Martín, chirmano e futuro suzesor d'o rei. Tamién debió aturar una rebelión en Zerdeña.
O suyo reinato se carauteriza por o desorden almenistratibo e financiero. Creyó los Chuegos Florals de Barzelona parellans á los de Tolosa, en 1393.
Murió mientres yera de cazata (1396). Como no teneba deszendencia masculina, estió suzedito por o suyo chirmán Martín.
| Predezesor: Pietro IV |
Rei d'Aragón 1387 - 1396 |
Suzesor: Martín I |
