Dési Bouterse
vanuit Wikipedia, die vrye ensiklopedie.
Desiré Delano Bouterse van Suriname (gebore 13 Oktober 1945) was 'n militêre leier, staatshoof en politikus van die Nationale Democratische Partij (NDP).
Bouterse se naam word vereenselwig met die militêre bewind wat Suriname van 1980 tot die begin 1990's beheer het. Op 25 Februarie 1980 het 'n militêre junta onder leiding van Bouterse 'n staatsgreep in Suriname uitgevoer. Hoewel die President in sy pos behou is, was die Voorsitter van die Nasionale Militêre Raad onder Bouterse die de facto heerser totdat hy in 1988 bedank het. Hy was self die President in 1982.
Bouterse was 'n leidende figuur in die burgeroorlog wat na-onafhanklikheidswording in Suriname uitgebars het en word blameer vir die sogenamde Desember moorde in 1982. Hy is ook beskuldig van betrokkenheid in dwelmhandel, en 'n Nederlandse hof het hom in absentia skuldig bevind aan onwettige kokaïne handel in Julie 1999. Hy is steeds woonagtig in Suriname en kan nie uitgelewer word aan Nederland nie, vanweë sy status as voormalige staashoof.
Na die oorgang tot burgerlike regering, wat deur onderskeidelik Ronald Venetiaan, Jules Wijdenbosch en weer Venetiaan gelei is, het Bouterse onsuksesvol probeer om staatshoof te word in die algemene verkiesings.
Hoewel Bouterse in Nederland skuldig bevind is, is hy steeds 'n vrye man in Suriname. Die Surinaamse regering is tans onsuksesvol besig om die Desemeber moorde en Bouterse se rol daarin te ondersoek. Hy ontken enige betrokkenheid aan die moorde.
