Vierziye
Èn årtike di Wikipedia.
Vierziye (la-minme, Vièrzîe, F.: Willerzie), c' est èn ancyin ptit ban del Walonreye, rebané avou Djedene, el province di Nameur.
- Limeros del posse :
- asteure : 5575
- davance : 6891
- Limero diyalectolodjike : D 114
- Arondixhmint : Dinant
- Sipotaedje des djins : les Gnègnès (prumî viyaedje k' on dit "i gn è" estô d' "i gn a", tot vnant d' Nameur).
- Eplacmint sol daegn 49°59'00 N - 4°50'59 E
- Djins :
- 1830: 516
- 1910: 495
- 1930: 470
Po l' etimolodjeye et les vîs scrijhas, riwaitîz dins l' esplicant motî.
Ådvins |
[candjî] Rilidjon
Eglijje di 1880, broûlêye pås Almands li 23 d'awousse 1914; novele eglijhe e 1928.
[candjî] No di des plaeces di Vierziye
[candjî] Hamteas
- Les Aiwes
- Pont Colin
- Marotele
[candjî] Ôtès plaeces
- Li Franc Bwès (F. Frambois)
- Li Foyete (La Foyète)
[candjî] Djeyografeye
Vierziye est metou sol voye ki va d' Djedene a Vireu, e France.
[candjî] Istwere
Li tere di Vierziye a stî franke tere disk' e 1680. Adon, li viyadje a stî rmetou avou l' France. I serè rindou ås Bas Payis otrichyins e 1699. Adon, i serè metou dins l' dutcheye do Lussimbork.
Duvant lu XIII° s., lu viadje astot, coume Fagnolles, dins djèron des Rumigny-Florennes, ène fwâte måjon ki les avot assudjètis al coutume du Ranwez.
Sul ban d' Vièrzie, gn avot in ptit fî " La Foyète" ki dépandot du Poilvache. Gn èyu ossi nin lon du viadje,in moustî båti dins les tchamps al place k' on loume co asteure : Ås carmes.
An 1914, combat atère les Almands et les Francès; bramint des touwés. Tout l' viadje mètu à feu, à pårt 2 måjons. Les Almands djint ku les civils avint tiré sur zès, motif k' il ont invoké partout adon.
Tins dul guêre du 40, Vièrzie astot sul vôye dul tchin.ne d'évazion pou voyî su Gibraltar les pilotes des avions anglès et amèrikins k'avint sté abatus. Lu curé d' Vièrzie et l'mayeur du Rienne, k' astint dins la fliére, ont sté hapés pås Almands et ont moru dins les camps du conçantracions an 1944.
C'est dlé Vièrzie k'an sètambe 1944, les prèmîs parachutisses beljes du Colonel Blondeel ont sté parachutés pouz êdî, avu l' Maki, les Amèrikins k'alint nous libèrer kékes djoûs pus tard.