Vå Bnoete
Èn årtike di Wikipedia.
Coulot d' Lidje sol hintche boird di Mouze; so plaece, on prononce Vå (u Vâ) M'neute, e francès, on scrît Val Benoit
C' est la ki s' trove ene pårteye des båstimints di l' univiersité d' Lidje. Î passe eto ene djonccion d' otovoye.
Etimolodjeye
Li mot vout dire "Beneye vå", avou l' vî vî pårticipe erirece di beni: "benoet / bnoet", k' a eto diné li ptit no Benoet, et, metans sint Bnoet. Li mot vå est femrin e walon (Plinne Vå, Setche Vå, Bele Vå). Cial, li pårticipe erirece est metou padrî l' mot, al môde latene, mins dins les cmons nos, on-z a del benite aiwe (ou benoete aiwe), li beneye tchandele.
Li vå est rwaiteye come beneye, pask' i gn aveut la on moustî.
