Tango walon (tchanson)
Èn årtike di Wikipedia.
Li tango walon, c' est ene tchanson ki les paroles ont stî scrîtes pa André Hancre eyet l' muzike compôzêye pa R. Hancre.
C' esteut ene mwaisse tchanson do repertwere da Bob Dechamps.
Come di djusse, ele si tchante sol rite do tango.
[candjî] Cåzaedje del tchanson
-
- 1.
- El flaminco est espagnol;
- C' est leu gloriole.
- Les Inglès dansnut l' tcharleston
- Ké rigodon !
- Les Otrichyins leu valse di Viene
- Al disgoviene.
- Les Årdjintins dansnut l' tango,
- Mins nén mia k' nos.
- Adon, po lzî fé concurance
- C' est l' preferêye di totes nos danses
- Mia k' zels, nos atrapans l' movmint;
- C' est ene kession d' timperamint.
-
- Respleu 1.
L' tango walon, K' on scrît dins no façon. K' on eterprind avou soplesse Sins djamåy fé des crombès djesses, Cwand nos dansans l' tango walon.
-
- 2.
- Gn a pont come nos po prinde li tins
- D' ene air canaye.
- Gn a pont come nos po sawè fé
- Des pas d' costé.
- Gn a pont come nos po sawè lére
- Dins les sorires.
- Mamjhele, dj' etervoe l' paradis
- Dins vos beas iys.
- A ç' moumint la, tot ermouwêye,
- El feye vos dit : "Dji so troublêye.
- Mins cwè çki s' passe, dji n' sai pus cwè."
- "- A ça, mamjhele, c' est no ptit scret."
-
- Respleu 2.
- L' tango walon,
- K' on scrît dins no façon.
- Ki vos mete totshûte e cadance
- Et co ene miete vs serîz e transe
- Cwand nos dansans l' tango walon.
-
- 2.
- Gn a nén k' les Walones po vs troubler
- Po vos tromper;
- L' ôte djoû, dj' a stî en Inglutere,
- Et po m' distraire,
- Dins on dancigne, dj' a stî djipté
- Et egadjî
- Po l' seu tango d' tote el swerêye
- Ene bele crolêye.
- Å dbout d' dijh pas, ele m' a dit Sir
- Je suis a vous prenez ma coeur
- Je n' sai pas c' qui m' est arivé
- Tådje ene miete, dj' va t' l' espliker.
-
- Dierin respleu.
- L' tango walon,
- Ki fwait d' nos des tchampions,
- Ki nos porkeure tos les succès
- Ki fwait ki nos estans les rwès
- Cwand nos dansans l' tango walon.
- L' tango walon,
- K' on scrît dins no façon.
- Sins djamåy fé des crombès djesses,
- Minme s' on s' apice pa les deus ... spales,
- Cwand nos dansans l' tango walon.
[candjî] Corwaitaedje do tecse
Eployaedje di beas mots walons :
- des crombès djesses ("djesse" est femrin e walon)
- al disgoviene
- rigodon
Calcaedje do francès Li rîlêye Fr. EN => w. IN, n' est nén mamaedjeye sifwaitmint po tos les mots :
- timperamint (rime avou "movmint")
- cadince (cadance)
Noûmots des danses :
- tcharleston (prononcî "on" et nén "-one" (rime avou "rigodon")
- flaminco
Rireye (måhonteus advinaedje di rimes :
- Sins djamåy fé des crombès djesses,
- Minme s' on s' apice pa les deus fesses
