Motî:souke

Èn årtike di Wikipedia.

souke [o.n.]

1. prodût foirt doûs saetchî foû des betråles u des canassoukes, lomé tchimicmint li sacarôze. F. sucre. >> rodje souke; u: >> noer souke; u: >> cou d' souke: souke a piretes, k' on suce. F. sucre candi. >> souke a bokets: souke vindou dins des pakets, a cwårés bokets. Dj' aveu todi on boket d' souke el potche po si dj' åreu yeu ene mwaijhe fwin F. sucre scié, sucre en morceaux. >> fén souke: souke come del poure, vindou dins des saetchots. F. sucre en poudre, sucre semoule. >> souke di pot: sôre di brun souke e poure, k' on pout mete so s'&nbsp pwin. F. cassonade. >> souke vanilé: fén souke come del farene, po mete so les wåfes, evnd. >> dorêye å souke; u: >> tåte å blanc souke; u: >> tåte å souke di pot ki glete: sôre di tåte sins fruts. >> ene matante° di souke. >> boutche å souke: onk (ene) ki magne voltî des soucrådes. >> la k' on magne do souke al loce: la k' il î fwait åjhey viker. >> ça s' vind come do souke: ça s' vind bén. F. comme des pitits pains. >> cwand i påle, c' est tot souke: a) i n' mostere ki les beas costés d' ene sacwè. On dit eto : promete dipus d' boure ki d' froumaedje. b) c' est on platchteu. F. flatteur. >> Vloz do souke ? :: Neni, dji souke assez: djeu d' mot avou souker°.

2. (mot d' tchimisse, di biyolodjisse) prodût tchimike parint do sacarôze, ki les biesses et les plantes broûlèt po viker. F. glucide.

3. (pus stroetmint) prodût, di formule tchimike C₆H₁₂O₆, li mitan del molecure do souke di betråle, ki c' est l' dierin boket d' leu ctaeyaedje dins l' coir. F. glucose.

4. (pa stindaedje) maladeye ki fwait monter li livea do glucôze, onk di ces prodûts la, dins l' sonk. Come il aveut do souke i lyi faleut ene pileure d' insulene totes les 6 eures. F. diabète.

5. bouboune. Loukîz a: kinike, gougouye. >> souke di bateme; u >> poes d' souke: sôre di longou souke avou do tchocolåt u ene amande divins, k' on dene ås batemes. F. dragée.

| soucreye [f.n.] oujhene å souke; oujhene, wice k' on saetche li souke foû des betråles u del canassouke. L' esté, i travaye do maçon; l' ivier, i boute al soucreye (Motî d' Nivele). F. sucrerie.

| soucråde [f.n.] soucrêye glotinreye. Loukîz a: gougouye. sucrerie.

Parints:

• soucrer, soucraedje

Mots d' aplacaedje

• canassouke
• croxhe-souke
• soucrapaye

Omonimeye :

• souke (soucaedje)

---

• Dipus d' racsegnes sol souke
• Dipus d' racsegnes so les soukes (glucides)
• Dipus d' racsegnes so les cis k' ont l' souke (diyabete)
• Dipus d' racsegnes so les soucreyes