Motî:såvaedje pilé

Èn årtike di Wikipedia.

pilé 2 [o.n.] u: poleure [f.n.] u: såvaedje pilé [o.n., pl des såvaedjes pilés] u: pitit pilé [o.n., pl des ptits pilés] u: pilé d' håye [o.n., pl des pilés d' håye] u: pilé d' hourêye [o.n., pl des pilés d' hourêye] plante des hourleas et des håyes, ki sint bon eployeye el coujhene et come yebe ås maladeys, e sincieus latén, latén "Thymus serpyllum". Ene djate di té d' såvaedje pilé. El tisane di pilé est boune pol catåre. On dnéve do såvaedje pilé ås vatches po k' ele n' atrapénxhe nén l' cocote. On fjheut do té di ptit pilé pol matchurea. Les motons nouris al poleure sont meyeus ki ls ôtes (H. Forir). Li poleure, ele riwerit les mås d' tiesse tot rwerixhant les cis do stoumak (ramexhné pa J. Bastin). Les efants s' amuzront a code des bråyes di tchet; Des ôtes, ene miete pus lon, ramasront des pilés (J. Colson). Les ovrîs ndalént berlôrer inte les stokêyes, onk do pilé d' hourêye po sognî on catåre, l' ôte des orayes di soris pol må d' vinte; on troejhinme côpéve des bojhete po fé des tuteurs a ses tomates, egzetera (R. Painblanc). Dandjreus k' i tapéve ene divize avou les caracoles, el pilé d' hourêye ou les coks d' awousse (W. Bal). F. serpolet. >> pitit come li pilé: tot ptit, tot cåzant d' ene djin.

Etimolodjeye : loukîz a pilé 1.

Parintêye :

• polurêye

Mots omofones

• pilé :
  • pilé (plante des cortis, Thymus vulgaris)
  • pilé (montant d' bwès u d' pires)
• poleure
  • Poleur (viyaedje et aiwe)
  • poleur (aidant viebe)

---

• Dipus d' racsegnes sol såvaedje pilé