Radoûceye atouwance

Èn årtike di Wikipedia.

Li radoûceye atouwance u atouwance radoûceye, c' est cwand on atowe ene sakî tot lyi djhant twè, et nén ti.

Les pronos d' l' atouwance radoûceye s' ont dvou diswalper diviè l' 19inme sieke, a on moumint la k' on-z a spårdou l' idêye kel pronon "ti" esteut foirt måhonteus, mins ki les djins n' estént nén grandiveus assez po leyî tchaire li walon, come çou ki s' a passé e 20inme sieke.

Ådvins 1 Pronos d' l' atouwance radoûceye 1.1 Pronos sudjets (F. tu) 1.2 Pronos tonikes (F. toi) 1.3 Prono d' apårtinance 2 Istwere di l' atouwance radoûceye

[candjî] Pronos d' l' atouwance radoûceye

[candjî] Pronos sudjets (F. tu)

• to

[candjî] Pronos tonikes (F. toi)

• Radoûcixhant totavå.
  • twè
• Radoûcixhant e sacwantès coines (mins måhonteus ôte pårt).
  • tizôtes
  • ti-minme / t'-minme (Roman Payis)

[candjî] Prono d' apårtinance

• twinne

[candjî] Istwere di l' atouwance radoûceye

Dinltins, gn aveut k' deus liveas d' atôtchance: li poli (dire vos) et l' atouwance (dire ti). A pårti di 1800, on-z a rsintou l' atouwance come todi dpus måhonteuse. Mins, on n' si pleut nén tolminme dire vos inte francs soçons. Eto, on-z a askepyî des noveas pronos (twè, ti-minme, tizôtes, li twinne, to), a tchaeke plaece diferinne.

Li prono "twè", c' est co l' ci k' est l' pus corant po atouwance adoûceye.

L' uzaedje di "to" come prono sudjet (divant cossoune) d' atouwance adouceye a stî atåvlé pås rfondeus. Li stindêye la ki ç' prono la est esployî naturelmint est mostrêye sol mape A.L.W. 2. 16 (Payis d' Måtche et d' Bastogne).