Pablo Neruda
Èn årtike di Wikipedia.
Pablo Neruda, c' est on fjheu d' arimeas Tchilyin, sikepyî e 1904 et moirt e 1973. I rascoda l' pris Nobel di leterateure e 1971.
Pablo Neruda esteut si no d' pene, si vraiy no d' naixhance (li 12 di djulete 1904) esteut Neftalí Ricardo Reyes Basoalto; i cminça a scrire dizo on no d' pene cåze ki ses parints èn volént nén k' i dvénxhe on scrijheu. I tchoezixha l' no d' Neruda d' après li scrijheu eyet powete tcheke Jan Neruda. Pus tård, i fjha candjî s' no a l' estat civil po s' fé lomer legålmint Pablo Neruda.
L' ome a todi ovré po disfinde ene societé pus djusse, çou ki s' voet dins ses scrijhaedjes. Il esteut camaeråde avou Salvador Allende.
Cwand i mora do cancer li 23 d' setimbe 1973, çoula fjheut 12 djoûs ki l' Tchili esteut dzo ene dictateure militåre.
[candjî] Djivêye di ses ouves
- Veinte poemas de amor y una canción desesperada (vint powinnmes d' amour eyet ene tchanson d' disbåtchance) (1924)
- Tentativa del hombre infinito (Saye di l' ome infini) (1926)
- El habitante y su esperanza (Li dmorant eyet si espwer) (1926)
- El hondero entusiasta (Li fel frondeu) (1923/24)
- España en el corazón: Himno a las glorias del pueblo en la guerra (L' Espagne dins l' cour: Imne åzès glweres d' on peupe el guere) (1937)
- Canto general (Tchanson djeneråle) (1950)
- Odas elementales (Ôdes elemintaires) (1954-57)
- Fin del mundo (Fén do monde) (1969)
- Confieso que he vivido (Dji cfesse ki dj' a viké) (1974)
