Noveles des Walons Scrijheus d' après l' Ban-Bwès
Èn årtike di Wikipedia.
Les Noveles des Walons Scrijheus d' après l' Ban-Bwès (Novèles dès Walons Scrîjeûs d'après l' BanBwès), c' est ene gazete e walon k' a parexhou di 1982 a 2005, et ki rexheut tos les troes moes.
Li mwaisse-eplaideu, å cmince, c' esteut Maurice Chapelle, pu ci fourit Georges Michel. Mins, po dire li veur, disk' e 2005, li gazete esteut bråmint fwaite pa Rodjî Viroux.
Dins li rvowe "Noveles", gn a des scrijhaedjes classikes del soce des Walons Scrijheus d' après l' Ban-Bwès. C' est bråmint des arimeas. Mins c' est eto li prumire rivowe k' eplaida toplin di prôze nén racontrece :
- Li prezintaedje d' on scrijheu e walon.
- Des plantches di biyolodjeye so les biesses et so les plantes, fwaites å cmince pa Maurice Chapelle, pu après pa Stéphanie Viroux.
- Des ratournaedjes e walon des vîs papîs (procès d' macrales, di moudreus, evnd.). Metans l' Afwaire Calabasse.
- Des lçons d' walon dinêyes e walon, fwaites pa Rodjî Viroux.
Gn a eto dins les "Noveles" :
- Des fåves.
- Des bindes d' imådjes.
- Des croejhlés mots.
Les Noveles des Walons Scrijheus d' après l' Ban-Bwès sont scrîtes pår e walon. A cmincî do l° 16 (mins ddja motoit dvant), gn a des reclames e walon.
Politicmint, les Noveles eplaidént sovint des tecses ki rclamént l' unité del Beldjike. Eto, il estént purade camaerådes avou les Flaminds, min sovint disconte des Francès.
Ådvins |
[candjî] Sacwants scrijheus e walon prezintés dins les Noveles
- Rôbe, André : l° 1 (1982)
- Mathieu, Robert : l° 2 (1982)
- Chapelle, Maurice : l° 4 (1982)
- Delbart, Denise : l° 5 (1983)
- Vanackere, André : l° 7 (1983)
- Mathieu, Victor : l° 16 (1985)
- Michel, Georges : l° 21 (1994)
- Gérard, Simone : l° 22 (1994)
- Pirlot, Délina : l° 27 (1995)
[candjî] Sacwantès plantes prezintêyes dins les Noveles
- påkî (Buxus sempervirens) : l° 1 (1982)
- schite d' agaesse (Cardamine pratense) : l° 2 (1982)
- yebe di gueus (Clematis vitalbis) : l° 21 (1994)
- grande kixhåde (Urtica dioica) : l° 22 (1994)
- foumtere (Fumaria officinalis) : l° 27 (1995)
[candjî] Sacwantès biesses prezintêyes dins les Noveles
- tirliri (Sylvia eurruca) : l° 1 (1982)
- coirbå (Trypanocorax frugilegus) : l° 2 (1982)
- costri : (Carabus auratus) : l° 4 (1982)
- sôtrale : (Locusta viridissima) : l° 4 (1982)
- moxhe : (Echinomia) : l° 5 (1983)
- biesse å Bon Diu : (Coccinus) : l° 5 (1983)
- rinåd (Canis vulpes) : l° 7 (1983)
- biesse di for (Blatta) : l° 21 (1994)
- tchawe-soris : l° 22 (1994)
- calande : l° 27 (1995)
[candjî] Ricetes
- potêye del cinsresse : l° 1 (1982)
- tåte å rvier : l° 2 (1982)
- tåte di spinåds : l° 4 (1982)
- pemes Louwisse : l° 7 (1983)
- djigue di tchivroû : l° 22 (1994)
[candjî] Noûmots k' aparexhnut dins les "Noveles"
Li rvowe des "Noveles" a dné l' ocåzion a Rodjî Viroux di fé cnoxhe sacwants noûmots k' il aveut foirdjî u eployî pol prumî côp e scrît walon. E vci sacwnats ki vont dmorer bén vicants e rfondou walon.
[candjî] Motlî
- neyerlandès (l° 16, 1985)
