Marcel Hicter
Èn årtike di Wikipedia.
Marcel Hicter (1918-1979) sicrijheu d' walon, provnant di Henefe.
Di si mestî, prof di latén-grek, i radapteye voltî les belès letes grekes eyet latenes: arimeas "Vî fré" (1939), "Gentils galants de France" (1956), pîce di teyåte "L' acopleuse" (amontêye pol prumî côp e 1964).
E prôze, on cnoxhe "Li pont al moite aiwe", li spoule d' on ptit hamtea, seur ene pitite miete li paskeye di si prôpe vicåreye.
Marcel Hicter sicrijha po cmincî e walon lidjwès "L' acopleuse", "Vî fré", mins s' aveut håsse di foirdjî eto e si walon coinrece "Gentils galants de France", "Contes hesbignons" (eplaidî e 1999, après si moirt). Nén sbarant k' il åye sitî onk des prumîs a tuzer a on rfondou walon, mins s' n' a-t i måy metou si idêye sol mestî.
Il a stî rprins dins l' antolodjeye «Scrire». Il a yeu droet eto a on livret del coleccion Memwere walone di l' SLLW.
Il a stî mayeur di Moumåle 1957 a 1962. L' Aisse del Tuzance di ç' viyaedje la poite si no, ey eto li bati do viyaedje.
