Les signeurs d' ôte pårt (teyåte)
Èn årtike di Wikipedia.
Les signeurs d' ôte pårt, c' est ene pîce di teyåte e walon d' èn ake, sicrîte e 1995 pa Pierre Habets, po esse djouwêye pa des djonnes.
Ådvins |
[candjî] Tinme et fråzes saetcheyes foû
[candjî] Racourti
Des efants d' on cazer, ki vikèt dins des cwårtîs « k' on n' direut des gayoles di robetes » rescontrèt des ôtes efants ki vnèt di håre et d' hote, dj' ô bén: di totès sôres di payis.
Eshonne, i s' vont mete a djåzer di leus croeyances et d' leus dujhances; çou k' i trovnut bea, et çou k' i vôrént bén k' ça candje.
Come di djusse, les parints « ramtèt la k' leus efants håbitèt des sfwaitès djins ». Mins les djonneas, zels, pinsèt ki « minme s' i vnèt d' ôte pårt, i nos valèt bén. »
[candjî] Ôtès fråzes saetcheyes foû del pîce
- Nos alans don studyî çou k' i nos fåt fé po k' les omes divnexhe des frés.
- Efants did cial et d' ôte pårt, nos estans tertos des omes.
- Efants do monde etir, noers, rodjes, djaenes u blancs, divnans les eritîs do messaedje di påye et d' råjhon.
[candjî] Corwaitaedje del pîce pa Yvonne Stiernet
Li pîce m' a-st eblawté. C' est pår ene wadjeure di mete des djonnes sol sinne. C' est la l' avni do walon.
Fé dire ces tuzêyes la so ene sinne a des djonnes, c' est on foû bea messaedje di påye a lzî aprinde.
Sourdant: Bulletin wallon l° 214 (djun-djulete 2004)
