Joseph Mignolet

Èn årtike di Wikipedia.

Joseph Mignolet, a skepyî e 1893 ey a morou e 1973.

C' est lu l' prumî k' a eplaidî on live e walon après l' prumire guere daegnrece : "Fleurs di brouhires" (1919). C' est tos arimeas.

Il a vudî des ôtes ramexhnêyes :

• "Prumire djåbe"
• "Vint ans"
• "Bouket d' brouhires"
• "Les håyes sont rfloreyes" (1921)
• "Fleurs di pretins" (1927)
• "Fleurs d' esté" (1931)
• ("Fleurs d' erire-såjhon", nén eplaidî)
• "Les låmes" (1938)
• "Les troes ådjes del veye" (1939)
• "Payis d' Lidje" (1943)

Il est onk des råles sicrijheus a aveur publiyî des epopêyes :

• Li tchant del Croe (1932)
• Li tchant di m' tere (1935)

Come sicrijheu do teyåte, il a toirchî des pîces come :

• "L' Aviedje di pire" (3 akes, 1922)
• "Li tchesturlinne" (2 akes, 2 tåvleas)
• "Al bele fontinne" (3 akes)
• "L' åme del cité" (3 akes)
• "Å Schoircåd" (3 akes)
• "Li bouneur passa" (3 akes)
• "Li bårire" (3 akes)
• "L' oujhea pierdou" (3 akes)
• "L' amour si vindje" (3 akes)
• "Li mwaisse" (2 akes, 1931)
• "Vî Noyé" (1 ake)
• "Li vwès do clokî" (operå comike, muzike da Batta, 2 akes)
• "Li scret do molén" (operå drame, muzike da Batta, 3 akes)
• "Li voye ki monte" (1933)

Il a eto scrît sacwants roman :

• "Viè l' loumire (1922)
• "Li payis des soteas" (1926)
• "Li blanke dame" (1933)

Il a eto ratourné les Evandjîle da sint Mår (1934) et sint Luk (1937) et rascode li prumire imprimateure po on scrijhaedje e walon. End a rexhou on tot ptit live, "Li boune novele" (1940).

Riprins dins l' grosse antolodjeye da Piron.

"Mignolet", c' est eto l' tite d' ene novele da J.P. Dumont.

Ådvins 1 Corwaitaedje di l' ouve da Mignolet 2 Vicåreye da Djôzef Mignolet 3 Hårdêyes difoûtrinnes 4 Sourdants

[candjî] Corwaitaedje di l' ouve da Mignolet

Li Djôzef Mignolet a stî bråmint marké påzès scrijheus francès, di Charles de Vigny a Jean Rostand.

Si powezeye est zuvionêye di romantisse, la k' les djins waitèt todi d' ariver a èn ideyål, ki ça soeye dins leus sintimints, dins leu rlidjon, u dins l' amour del patreye. ^[1]

[candjî] Vicåreye da Djôzef Mignolet

Djôzef Mignolet passéve si veye påjhirmint come rintî a Lidje, disk' e 1935. Adon, i fwait do politikî, dins l' pårti "Rex", et passe pårlumintî e 1936.

Eto, i va fé avou ls Almands tins del guere di 40. E 1946, i serè codåné po çoula, et on lyi rsaetchrè ses droets civikes.

Mignolet esteut camaeråde avou Maurice Piron. Il estént foirt grandiveus eneviè les ptits scrijheus e walon. ^[2]

Si a-t i stî haeyi pås waloneus après l' guere. Li Pris del Veye di Lidje a metou dins ses statuts di dveur prezinter on "certificat de bonne vie et moeurs", paret i po-z espaitchî Djôzef Mignolet del rascode.

[candjî] Hårdêyes difoûtrinnes

Tot e rfondou, so l' Aberteke

• On boket di si ratournaedje di l' Evandjîle Sint-Mår
• Si ratournaedje do "Nosse Pere"
• Si pådje di powezeyes

[candjî] Sourdants

1. ↑ M. Piron, "Anthologie de la littérature dialectale de Wallonie", p. 455.
2. ↑ <ref>[[F. Nyns]], bate di dvize avou [[L. Mahin]] al fôre ås lives di [[Gråce-Hologne]], 2005.</SMALL></li></ol></ref>