Jean-Denys Boussart
Èn årtike di Wikipedia.
Jean-Denys Boussart (e walon: Djihan-Dnixh, sipoté Marcatchou) a skepyî li 14 di fevrî 1940. C' est on scrijheu e walon et bouteu pol foclore di Lidje. Il a stî des anêyes et des razanêyes li "mayeur" del franke Republike di Sint Foyin, a Djudla Mouze.
Il a scrît des noveles: “Li Rodje Dame” (1976); des arimeas: “Li prumire voye” (1966); “Mi pårotche po ene noere çanse” (1968); “Li botike ås araedjas” (1968); et eto do teyåte: “Li grande cizete” (1971).
I scrît eto e francès so des sudjets foclorikes u d' actouwalité dins li ptite gazete “Vlan”, ene coirnêye ki s' lome “Vlan avå les voyes”.
A eto stî prezidint do Cavea Lidjwès.
Il esteut, avou, al S.L.L.W..
Jean-Denys Boussart est rprins dins l' grosse antolodjeye da Piron et l' antolodjeye Fleurs diyalectåles.
[candjî] Djihan-Dnixh Boussart et l' movmint ravicantisse
Djihan-Dnixh Boussart est sconte di l' ehåyaedje do walon, tant do statut ki do coir do lingaedje. Por lu, li walon ni doet wårder foû k' ene fonccion foclorike.
