Imeniom
Èn årtike di Wikipedia.
On lome imeniom (fr: hyménium, do grek humenion = pitite mimbrane) li pårteye fertile d' on tchampion dinant veye ås spôres. L' imeniom des bassidiomicetes est principålmint fwait di bassides adjokêyes deus a deus, tindis ki cile des ascomicetes a des askes, ki zels ossi sont metowes del minme manire. L' ôrgane ki poite l' imeniom si lome imenofôre (hyménophore), terme ki våt ossu bén po l' tchapea ki po tot l' tchampion.
Amon l' grande madjorité des basidiomicetes (a pårt dins les gasteromicetes), l' imeniom tapisse todi l' pårteye k' est foû di l' ôrgane ki l' poite, di sôre ki les spôres, on côp maweures, sont a l' air libe. C' est l' cas par egzimpe des agariks, ki les deus costés des lameles sont tapissés d' imeniom, mins ossu des bolets avou leus tubes, des pîs d' bedot avou leus awiyons, ou des djiroles, dou çki l' imeniom est fwait d' pleus fôrmés a l' miercopete do pî.
