Georges Remi
Èn årtike di Wikipedia.
Georges Remi, , ki s' no d' pene, c' esteut Hergé, des prumirès letes di s' no (R) et ptit no (G), c' esteut on dessineu d' BD. Il a skepyî a Eterbek li 22 d' may 1907 - à l' pikète do djoû, 7 èt dimêye ki l' Dr Schovaers a mètu dissu lès papîs - d' on popa walon èt d' ène flaminde moman, ratinde li 9 di djun po ièsse batîjî et mori a Brussele li 3 d' måss 1983. Mins il a dmoré dipus d' 20 ans a Ferire.
I scrijheut ses bouyotes e francès.
Après Totor, s' prumî pèrsonaedje, il a askepyî avou des nos brusselwès : Kike et Flupke (des nos avou l' cawete flaminde -eke.
Mins après, i prind on no tipicmint walon po Tintin, li persounaedje ki frè si rlomêye lon et lådje.
Hergé a edvinté sacwants forveyous payis et-z î fé viker ses persounaedjes : Sildaveye, Bordureye, Molénsårt, evnd.
Djôr Rumi, Hergé, dabôrd, est sovint rwaitî come li pus grand dessineu d' BD d' tos les tins.
Ådvins |
[candjî] Evolucion des idêyes da Hergé
Å cminçmint, il esteut ene miete raecisse (Tintin å Congo). Mins, a cmincî do Lotus bleu, i studeye les ôtès culteures eyet les spotchîs peupes.
[candjî] Li Walonreye et l' walon
- li mot Tintin (raptitixha walon di Mårtin).
- les kór (les caurs), c' est l' manoye del Sildaveye (Sceptre d'Ottokar).
- li no do viyaedje di Cerou rivént so ene des bagues di cigåres des "Cigares du Pharaon", dizo cogne "Serhu"
- Molénsårt, li tchestea do captinne Hadok : c' est "Sålonmolén", ricomprins "Sårt å molén", et ortografyî e francès Sart-Moulin.
- Li Rodje Rackam, c' esteut on sfwait rékem.
[candjî] Ôtes influwinces
Balzac (Li Castafiore lome Hadok "Captinne Balzok")
[candjî] Tecnike di dessinaedje
Li trait ki fwait li bizete da Tintin, c' est l' minme kel ci des erî-fonds. Ça dene on dessin a môde di vitrå.
I fjheut poizer des djins èt s' riwêtî dins on mirwè, po-z aveur li boune djesse.
[candjî] Ses aidants
Raymond Leblanc, s'n' èditeû, ki provneut d' Troncwè (Longliè).
Jacques Van Melkebeke a léjhou bråmint po documinter èt bouter à muchète po Hergé. C' esteut ene brave djin -pinte- nén pus foirt a droete k' nosse ome mins ki, li, n'a nén polu passer oute d' on ègayolaedje. On trove dins on lîve da R. Leblanc l' comint ça s' a passé.
Edgard P. Jacobs, Bob Demoor, Greg, Leloup, Guy Dessicy...
Dins les studios da Hergé, i faleut esse bén moussî : costume et crawate. C' esteut la ene diferince avou les studios Dupuis a Mårcinele. K' ça n' l' èspêtchéve nén, come tos lès ôtes, di s'î pormwinrner è brès di tchimîze (voye foto dins l' lîve da Pierre Assouline)
