François Loriaux
Èn årtike di Wikipedia.
François Loriaux a skepyî e 1886 et a morou e 1942. C' esteut on fjheu d' tchansons e walon et on tchanteu do payis d' Tchålerwè. Ses tchansons sont dmorêyes foirt conoxhowes, inte di zeles: "Il a cassé s' pupe" ; "Les djouweus d' cwåtes", "Pårlaedje congolès" ; "Dji so sôlêye", "Nosse pôve gade est crevêye", "Li tchanson des verités".
Bob Dechamps tchantéve voltî des tchansons da Françwès Loriaux.
Françwès Loriaux eplaidive ses tchansons so des foyous, avou des dessinaedjes di fels årtisses di ç' tins la, come, ciddé Jean Kitt (Jean Lemaître). Li dessin n' aveut rén a vey avou l' tchanson (cial, c' est on djouweu d' bale).
On live "Tchantans Françwès" et ene plake lazer odio (tchantêye pa Pascal Heringer) ont rexhou e 2000.
[candjî] Li walon da Françwès Loriaux
Si walon est foirt ricwerou, avou padecô tote ene peclêye di vîs mots come dins "Pårlaedje congolès".
Dins "Li tchanson des verités", a costés di lapalissådes:
- li crås mårdi n' toumrè måy li vénrdi...
gn a eto tote ene rîlêye di sinonimes:
- on må stitchî serè sovint må fotou...
- ene findaxhe, c' est come si vos dirîz ene craeye...
u minme des definixha d' esplicant motî:
- li ci k' a l' balzin, fåt todi k' i triyane.
