Ernest Benoit
Èn årtike di Wikipedia.
Ernest Benoit a skepyî diviè 1930 a Viyance.
C' est on scrijheu e walon, k' a sayî bråmint des sôres di scrijhaedjes di prôze : des ratournaedjes di vîs papîs, des sovnances, des couyonådes, li riscrijhaedjes di des fåves do vî vî tins, del prôze nén racontrece.
Ses tecses fourît eplaidîs dins "Coutcouloudjoû", Singuliers, "Aux sources de la Lesse" (l' apasseu del soce d' istwere do ban d' Libin) et dins l' Rantoele-gazete.
I note l' accint di Viyance. Li scrijhaedje est ene miete francijhî, veyanmint ki li scrijheu n' eploye pont d' noûmots. Mins gn a eto ene peclêye di vîs mots walons tipikes.
Si tecse so les soyeus d' long est on modele di fén discrijhaedje d' èn ovraedje foirt tecnike.
Ernest Benoit ni doet nén esse maxhî avou Jean-Charles Benoît, on scrijheu d' tchanson do 19inme sieke a Nameur.