Djivêye UCW des nos walons des viyaedjes del Walonreye
Èn årtike di Wikipedia.
Li djivêye UCW des nos walons des viyaedjes del Walonreye c' est ene djivêye des nos coinreces (e walon ou ôte lingaedje do payis) di bråmint des ptits bans del Walonreye.
Ele fourit eplaideye pa l' Union Culturele Walone en on ptit livret, dizo l' tite e francès “Code Postal wallon”. Li livret a 16 pådjes avou l' djivêye des ptits bans, relîs sol no e francès, avou l' limero del posse eyet l' no coinrece; eyet co ene pådje d' adrovaedje, ene pådje di cloyaedje (ambedeus e francès) eyet ene coviete di fén cårton.
L' ovraedje tecnike a stî fwaite pol Tåvlotêye rifondaedje di l' UCW pa Tiri Dumont e 1997, po cmincî a rfonde les nos walons des viyaedjes di Walonreye.
