Codjowaedje waitî
Èn årtike di Wikipedia.
Li codjowaedje di waitî, c' est l' essegne po codjower les viebes erîlés del deujhinme troke da Hendschel. On-z a eto eployî come essegne "lodjî".
Po codjower "waitî", on stitche ene cawete di codjowaedje après l' bodje lodj-.
Les cawetes di codjowaedjes des viebes del deujhinme troke sont les minmes ki les cenes del prumire troke, apus ki :
- a l' atôchî (poli) di l' indicatif prezintrece (et ås tins et djins kel shuvnut), li cawete est -îz (et nén -ez) :
- vos waitîz, i fåt ki vos cmincîxhe, saetchîz comifåt !
(eto, l' indicatif prezintrece a l' minme cogne ki les indicatifs erireces, durants et nén durants : vos waitîz = F. vous logez, vous logiez, vous logeâtes).
- Ås singulî do NDIE (imparfwait), les cawetes sont -ive, ives, ive (et nén -éve, éves, -éve).
Ådvins |
[candjî] Viebes erîlés so "waitî"
C' est tos les viebes ki leu cawete d' infinitif, c' est -î, Les viebes kel dierinne cossoune di leu bodje, c' est -ss-, -c-, -tch-, -dj- et -y- sont bråmint pus sovint rfondous come viebe del deujhinme troke ki come viebe del prumire troke :
- poussî, dressî (disfondowe : poûsser, dresser).
- kimincî, apicî : (disfondowe : cumincè, apicè).
- saetchî, (disfondowe : satchè).
- tcherdjî (disfondowe : tchèrdjè).
- abiyî, rabiyî, disbiyî
[candjî] Disrîlés viebes del deujhinme troke.
- les viebes del troejhinme troke, ki leu cawete d' infinitif, c' est -Cossoune + yî.
- les viebes ki l' dierinne cossoune candje pacô divant voyale:
- Viebes avou on shuvion -ssî å coron : poûssî.
- Viebes avou on shuvion -kî å coron : tchôkî.
- Les viebes ki candjnut d' voyale å dierin pî : grevissî, criyî, spiyî,....
[candjî] Codjowaedjes coinreces
- Infinitif.
- kumincè (Sint-Houbert, Tchestrolès)
- kumincer (ban d' Libin).
