Cerfontinne (viyaedje)
Èn årtike di Wikipedia.
Cerfontinne (so plaece Cerfontène, fr: Cerfontaine) est èn ancyin ptit ban del Walonreye, divnou comene di rebanaedje.
- Limero del posse: 5630 (vî limero 6450)
- Limero diyalectolodjike: Ph 45, mwaisse pont d' l' A.L.W..
- Sipotaedje des djins : les Foyants.
Po l' etimolodjeye et les vîs scrijhas, riwaitîz dins l' esplicant motî.
Ådvins |
[candjî] No di des plaeces di Cerfontinne
- El Tchåfor Sire Djåke (la-minme : El Tchafoûr)
[candjî] Istwere
Tere di Lidje, e cwårtî di l' Eter-Sambe-et-Mouze, Cerfontene esteut dizo moennance del Tere di Florene.
[candjî] Industreyes
On-z î a saetchî å fier dispu l' vî vî tins et industriyelmint djusk' e 1870. On-z î rtroveut des craheas d' Sarazin (resses des bas-forneas), k' estént rfondous ezès hôts-forneas.
Cerfontinne est eto cnoxhou po l' ovraedje do bwès: shabotîs, fådeus.
[candjî] A vey
L' eglijhe Sint Lambiet, e stile noû-gotike eyet l' gåre do trin k' i gn a ene voye ki passe padzo.
[candjî] Tuzance walone
Cerfontinne, c' est on payis k' a bén disfindou l' walon, avou Arthur Balle, li diccionairî do Contribution au dictionnaire du parler de Cerfontaine, onk des 16 "Gros Ronflants", eyet Maurice Vray, sicrijheu do franwal : Lexique français-wallon du parler cerfontainois.
Gn a, dispu 1994, ene copinreye, li Soce des Foyants, k' eplaide ene rivowe e walon: Academeye des Foyants d' Cerfontinne.