BSLLW
Èn årtike di Wikipedia.
Li BSLLW, c' est l' dierin sigue do bultin del SLLW, ene rivowe ki s' a lomé aprume Bulletin de la Société liégeoise de Littérature wallonne, adonpwis (diviè 1900) Bulletin de la Société de Littérature wallonne, ey al fén Bulletin de la Société de Langue et Littérature wallonnes.
Gn a 76 tomes k' ont vudî inte 1861 eyet 1975.
Li limerotaedje a candjî al fén do 19inme sieke, çou ki fwait k' c' est pacô målåjhey do shuve. Des anêyes k' i gn a, gn aveut eto deus lives (contés dins l' minme tome) sol minme anêye.
Gn aveut ttossu bén ladvins des scrijhaedjes e walon (sovint les cis prumés ås bates del Soce), ki des motîs et motlîs, ey eto des linwincieusès rcwerances, sicrîtes e francès.
On-z î trove eto les rapoirts (sicrîts e francès, avou) di totes les bates di scrijhaedjes et di rcweraedjes kel SLLW enonda des ans et des razans å long. Gn aveut eto, å cminçmint, li djivêye des mimbes del societé.
[candjî] Sacwants rlomés scrijhaedjes k' ont parexhou dins les BSLLW
- Les Codjowaedjes da Doutrepont (e tome 19, 1885)
- Li Motlî so les plantes da Lezaak (e tome 7, deujhinme rîlêye, 1885)
- Les motlîs tecnikes da Albin Body.
- Li papî d' pezintaedje do sistinme Feller
- Li Motî d' Faimonveye (E145, dins l' tome 50 e 1908)
- Li studia da Adelin Grignard sol walon do Coûtchant (dins l' minme tome 50)
- Li Motî d' Fosse (C 5, dins l' tome 52 e 1910)
- Li Motî d' Tchespire
- Li clapant live di sovnances, ki s' lét come on roman : "Mi ptit viyaedje å long des ans" da Auguste Laloux.
