Bounî
Èn årtike di Wikipedia.
On bounî, c' est ene viye unité di mzeure des stindêyes ki valeut 20 grandès vedjes, ene grande vedje valeut 20 ptitès vedjes, eyet li ptite vedje esteut-st on cwåré d' ene corante vedje di costé.
El Principåté d' Lidje, on eployive po mezurer les teres li pî d' Sint Lambiet, 29,2 cm long.
Li vedje corante valeut 16 pîs d' Sint Lambiet, ça fwait 4,67 metes.
Dabôrd, li ptite vedje fwait 21,79 m², li grande vedje 435,9 m² eyet l' bounî 8.718 m² ou 87,18 åres.
Ôtès manires di conter :
- On bounî d' tere valeut cwate djournås ou 400 vedjes cwårêyes.
- On bounî fwait vint grandès vedjes et ene grande vedje endè fwait vint ptites. [1]
Li no "bounî" rivént eto sovint dins les nos d' plaeces.
Po des linwincieusès racsegnes sol mot "bounî", alez s' vey e splitchant motî.
[candjî] Sourdants
- ↑ G. Mottard, divins Intrez don.