Bocse pîs-pougns
Èn årtike di Wikipedia.
On lome bocses pîs-pougns, dispoy les anêyes 1980, les spôrts di toursiaedje k' on tape avou des wants d' bocse eyet ki s' passèt so on rigne (oudobén so on tapis). Les bocseus eployèt, a l' asulon do reglumint, les tecnikes di djambes (côps d' pî eyet côps di djno), les tecnikes di bresse (côps d' pogn eyet côps d' keute) eyet les tecnikes di tapaedje djus.
Emey les mî cnoxhowès sôres, i gn a:
- les bocses al môde amerikinne, avou:
- li full-contact, sins côps d' pî pus bas kel schô;
- li kick-boxing, avou des côps d' pî ki tapèt tot tournant sol coxhe del djambe;
- eyet li semi-contact oudobén "lûte åzès ponts" (points-fighting), ene sôre di Karaté avou des wants eyet des tchåssons e mousse;
- li bocse francesse (savate), enute sipotêye, e francès, "Savate-BF";
- li kick-boxing djaponès: kick-boxing avou des côps di djno k' on dene tot droet, des côps d' pî tournants k' on dene sol coxhe (low-kick) eyet apougnaedje do coir;
- eyet po fini, deus sôres di bocses, k' on pout fé cåzumint tot çou k' on vout, li bocse birmåne (lethwei) eyet li bocse taye (muay thai).
