Bive (viyaedje)
Èn årtike di Wikipedia.
Bive (fr: Bièvre) c' est èn ancyin ptit ban del Walonreye, rebané avou ds ôtes po fé ene intité do minme no.
- Limero del posse: 5555 (vî limero 6860)
- Limero diyalectolodjike: D 124
- Dimanants: 480 (1840); 868 (1910); 730 (1930).
- Eplaeçmint sol Daegn: 49°56'N - 5°01'E
- Vîs scrîjhas: Beveris (770); Bievere (1243); Bievres (1139, 1245, 1290)
- Patron del pårotche: Sint Houbert.
- Dicåce: li dimegne après l' 3 d' nôvimbe.
Ådvins |
[candjî] Istwere
L' eglijhe actouwele di Bive date di 1902; divant leye, li viye eglijhe datéve di 1721. Bive esteut ene filiale del tote viye eglijhe di Djimbe, doyené di Graide, årtchidiyaconé di Fåmene.
Li pus vî curé conou est Gérard (1254) k' aveut yeu des afwaires pask' i n' rindeut nén l' dîme ås moennes di Mouzon. A Prâjî, eter Bive et Hôt-Fayi, les moennes di Mouzon, ki î djouwixhént dispwis todi (ab antiquo) do bwès et d' virêyes, ont cmincî a-z î basti ene eglijhe, on for et on molén. On poleut co vey des soubasmints di pires divant l' guere 1914-1918 et li ruxhea do Prâjî si lome todi: "Li ruxhea del viye eglijhe".
Å 8inme sieke, Bive dèpandeut do fisc di Palijhoû, dins l' contêye di Lussimbork. Passe dins l' Måjhon ekestre d' Orcîmont, e 1500, avu Nicolas d' Orcîmont come prumî signeur. Pus tård, diviè 1500, les signeurs di Bive estént des d'Orchimont et å long des siekes, après bén des catibulaedjes, les d'Orchimont d' enute si considerèt todi come dischindant des signeurs d'Orchimont et pårticulirmint di Djan-Djozef d'Orchymont, (1728-1810), k' aveut parvinou a rashonner tos les droets del signorreye di Bive
[candjî] Nos d' plaece
[candjî] Hamteas
- Les Mizeres
- Prwajî
- Wé
- Wîtay
[candjî] Tuzance walone
- Situdia di l' accint d' Bive : Gabriel Eugène Grandjean Phonétique et morphologie du patois de Bièvre (acvierné på Pr Jodogne), UCL, 1959.
