Belfontinne-dilé-Bive

Èn årtike di Wikipedia.

Belfontinne-dilé-Bive (fr: Bellefontaine, so plaece: Bèlfontin.ne) c' est èn ancyinne comene del Walonreye, askepieye på Redjime francès, ki n' aveut co k' 25 måjhons e 1829. Elle aveut ddja stî rebanêye avou l' Moncea li 26 di djulete 1964, divant les grands rebanaedjes di 1977.

coleur a l' aiwe do viyaedje

Limeros del posse :
- asteure : 5555
- davance : 6862 (avou Moncea-e-l'-Årdene)
Limero diyalectolodjike : D 123; mwaisse pont d' l' A.L.W.
Arondixhmint : Dinant

Po l' etimolodjeye et les vîs scrijhas, riwaitîz dins l' esplicant motî.

Ådvins

1 No di des plaeces di Belfontinne-dilé-Bive
2 Djeyografeye
3 Istwere
4 Avey

[candjî] No di des plaeces di Belfontinne-dilé-Bive

Li schavêye (la Chavée)
Li ri do molén
Rue des Hambeaux

[candjî] Djeyografeye

Eplaeçmint sol Daegn: 49°55'N - 4°58'E

[candjî] Istwere

Belfontinne est conoxhowe dins tote li redjon pol cwålité di l' aiwe do sourdant Sint Furzi (Saint Fursy). C' est l' patron d' l' eglijhe. Il a s' sourd padzo l' viyaedje dins ene sitroete valêye ki les aiwes vont al Simwès.

Li ledjinde vout ki ci sereut Sint Furzi, ki voyaedjive dins l' Gåle diviè 650, k' åreut fwait soude l' aiwe del fontinne, dilé l' molén.

Kékès måjhones ont stî basteyes dilé l' sourdant; mins, pus tård, li viyaedje a rmonté so les dzeus et c' est Godfrwèd d' Bouyon k' åreut decidé d' î fé ene eglijhe (1090).

Belfontinne apårtineut e 1290 a Djîle di Bôhan. Å 17inme sieke, les tchesturlins estént des Maillet, k' onk a stî assaziné. Li veve Maillet, Catrene Tamison, a dné s' no a on pré k' est dzo l' viyaedje et k' on conoxhe come "Pré Tamijhon".

Par après, les signeurs estént del famile des "de Vaux". Dins l' tchapistrê d' l' eglijhe di Belfontinne, on pout co vey enute li pire tombale do Tchåle del Vå et d' si feme Marie-Christine di Maucour.

C' est eto a Belfontinne ki les Francès evacouwént leus blessîs del batreye di Bive (li 23 d' awousse 1914).