Batreye di Sambe
Èn årtike di Wikipedia.
Li batreye di Sambe (pus droetmint lomêye batreye di Sabisse), c' est ene batreye del guere des Gåles inte Djule Cezår eyet èn ashonna di tribus gålwesse et djermanikes.
Ele s' a passé e 57 divant Djezus-Cri.
Les pus cnoxhowe des tribus k' estént al batreye di Sambe, c' esteut les Nervyins, les Atrebates eyet les Viromandwins (tribu do cotoû d' Sint-Kintin).
Djule Cezår a cåzu yeu ene tournêye. Mins al fén, c' est lu k' a wangnî. A rén près, ca les Adouwatikes, ene ôte tribu, estént sol voye po radjonde les ôtes. Mins s' n' arivît i nén a tins pol batreye.
[candjî] Li batreye di Sabisse, wice s' a-t ele passé ?
Djule Cezår, dins l' Guere des Gåles, cåze di "Sabis". Les Walons ont rmetou çoula a Sambe.
Ene uzance vout kel batreye di Sambe åye sitî a Préle. C' est po ça ki, dins ç' viyaedje la, li dramatike si lome "Les Nervyins".
C' est paski cisse batreye la s' a passé l' long d' ene aiwe, a s' Levant, k' on vout ki ç' soeye Sambe. Mins ça les istoryins d' asteure el plaeçnut purade so Sele [1], dilé Såçoe (Saulzoir), ene aiwe del Picårdeye di France.
On bea tecse e walon da Joseph Pirson saye di prover, a môde di rireye, kel batreye di Sambe s' a bén passé a Préle [2].
[candjî] Hårdêye difoûtrinne
"Et l' bataye di Sambe ?" dins l' tecse da Bernard Louis so Cezår
[candjî] Rahoucas
- ↑ Bernard Louis, Ricåzans ene miete di Cezår, Li Chwès
- ↑ (Les Cayés walons, 1982/9, riprins e 2003/7-8)
