Wikipedia:Bénvnowe
Èn årtike di Wikipedia.
Wikipedia est ene libe eciclopedeye sicrîte pa des djins come vos.
I gn a troes sôres ki vos ploz fé so ene pådje di Wikipedia. Vos l' poloz lére, vos l' poloz candjî et vos l' poloz scrire.
Ådvins |
[candjî] Lére
Lére c' est l' pus simpe. Alez al mwaisse pådje, et trovez l' sudjet ki vos shonne li pus interessant, shuvoz les loyéns et continouwez l' esploraedje. I gn a-st avou ene boesse di cweraedje å dzeu di tchaeke pådje.
Si vos léjhoz ene sacwè, et ki ça vos ahåye, pocwè n' nén leyî ene note sol pådje di copene di l' årtike ? Loukîz après l' loyén Copene sol pådje, clitchîz sol boton po candjî l' pådje, et dijhoz l' vosse. Nos estans tofer binåjhes di rçure des rmåkes.
S' i gn a ene sacwè ki vos cweroz après et ki nos n' endè djåzans nén, ou ki vos avoz målåjhey a trover, vos n' avoz k' a l' dimander, po çoula alez so nosse pådje k' esplike kimint dimander èn årtike.
[candjî] Candjî des årtikes k' i gn a
Tot l' minme kî pout candjî ene pådje di Wikipedia. Cisse pådje chal n' est nén ene egzepcion -- vos n' avoz k' a clitchî sol loyén e cråssès letes Candjî l' pådje sol hintche ou å dzo di cisse pådje ci si vos pinsez k' i gn a des ramidraedjes a fé. Vos n' avoz nén mezåjhe d' ene permission speciåle, nén ddja mezåjhe di esse elodjî.
Ene des meyeuses manires di nos dner on côp di spale c' est d' eployî Wikipedia come vos l' frîz po tot l' minme li kéne ôte eciclopedeye, mins cwand vos trovez ene aroke -- ene flotche di scrijhaedje motoit, ou ene fråze nén bén claire -- adon alez l' coridjî. N' åyîz nén sogne et soeyoz franc come Batisse po candjî les pådjes; si vos avoz ene idêye po-z amidrer ene pådje, adon fjhoz l' !
[candjî] Sicrire des noveas årtikes
Candjî les årtikes k' i gn a c' est bén; mins ci sreut co mî si vos ns aidîz a fé crexhe ciste eciclopedeye tot contribuwant avou vos cnoxhances. Vos ploz fé on novea årtike, ou trover èn årtike k' egzistêye dedja eyet lyi radjouter on novea boket. Ni vs tracassez nén d' trop di fé des flotches -- si vos fjhoz ene flotche vos, ou ene ôte sakî, l' poloz bén coridjî pus tård.
Note: Si vos n' voloz nén ki vosse tecse poye esse candjî eyet spårdou pa tot l' minme kî, adon nel evoyîz nén chal. Totes les contribucions fwaites po Wikipedia dvèt esse dizo li licince di documintåcion libe di GNU (GFDL). Li GFDL waerantixh ki Wikipedia va dmaner libe po tofer. N' evoyîz nén des ovraedjes dizo abondroets ki n' sont nén da vosse a moens ki vos årîz l' permission di l' oteur pol sipåde dizo licince GFDL. Loukîz Wikipedia:Abondroets po pus di racsegnes.
I gn a sacwantès rîles sol manire di scrire les årtikes et so çou ki pout esse fwait ou nén, ki vos dvrîz lére divant d' ataker.
Mo do plaijhi !
[candjî] Vey eto
Sacwants loyéns viè des pådjes avou pus di racsegnes:
[candjî] Infôrmåcion djeneråle, guides eyet aidance
- Åd fwait do pordjet Wikipedia
- Pådje d' aidance - aidance sol manire di scrire ou candjî des årtikes, et co hay.
- FAQ di Wikipedia - les kesses ki rivnèt sovint, avou leus responses.
- Rîles a shure po scrire les årtikes
[candjî] Si vos pårticipez ddja so ene waibe rishonnante
- Guide for h2g2 Researchers. Si vos cnoxhoz bén li h2g2, léjhoz çouchal.
- Guide for Everything2 noders. Si vos cnoxhoz bén li waibe Everything2, léjhoz çouchal.
[candjî] Li cminålté Wikipedia
- Pårticipants - djivêye des pårticipants ki scrijhèt regulirmint; vos vs poloz radjouter vaici.
- Li cåbaret - ene plaece po cåze di totes sôres, mete vos kesses, berdeler,...
