Motî:arincrin

Èn årtike di Wikipedia.

arincrin  ^[1]

I. [o.n., sovint pluriyal]

1. toele d' araegne. Ça fjheut come ene dintele d' arincrins. Po stantchî l' sonk, on mete l' arincrin sol côpeure (Motî da Toussint). Et, tot tapant å lådje li vî ouxh di si ovroe, Vla k' i dåre en ene coine, dviersî on hopea d' plantches, Tot covrous d' arincrins : les wachlins estént la ! (H. Simon). Cwand on n' est pus al môde, k' on est divnou halcrosse, K' on a on pî toirtchî, ou bén ene pitite bosse, Paf ! on t' here e gurnî, divins les arincrins (L. Renard). Li galant, pindou après on somî, halcotéve dins les arincrins. (J. Schoovaerts). Loukîz l' tournicoter åtoû di s' frumele come on malton åtoû d' ene moxhe al låme; loukîz ses pîs; loukîz lzès texhe åtoû di s' kipagneye èn invizibe arincrin, dismetant k' leye tripele cåzu so plaece tot tchacant dvins ses mwins (J.P. Dumont). Loukîz a: rantoele, arantoele, araegnreye. F. toile d'araignée. >> fé les arincrins: rissaetchî les rantoeles.

2. (imådjreçmint) pitite fråjhûle djin.

II. Arincrin [n.pr.] Daegntoele (Etrernete). Po saveur les ca et les ma so Max Stirner, les sûtis polnut cweri dsu l' Arincrin. F. toile Internet.

| arincriné, arincrinêye [addj.] avou bråmint des arincrins. Totes les bawetes etént arincrinêyes. F. rempli de toiles d'araignée.

Ådvins 1 Etimolodjeye et tcherpetaedje 2 Sicrijhas ezès motîs 3 Sipårdaedje do mot e 20inme sieke 4 Hårdêyes divintrinnes 5 Sourdants

[candjî] Etimolodjeye et tcherpetaedje

aréncrén 

aplacaedje tîxhon no ("arin", calké do picård ^[2] (araegne) + crin; crin d' araegne.

[candjî] Sicrijhas ezès motîs

arincrin 

arincrin [C1, C9, C13, C57, C106, E1, E2, E170, E213, G208], arincrè [E1, E170], arîcrin [E1, E21, G208], arîcrè [E1, E170], arêcrin [G208], arécrin [E200, G208], alécrin [E200, G208], alîcrin [G208], arègncrin [G208], arègncrègn [G208], arîcrègn [G208], alîcrègn [G208], èrincrin [G208], nén dins E212, O0, S0, C105 ^[3]

arincriné 

arincriné [E13] ^[4]

[candjî] Sipårdaedje do mot e 20inme sieke

Coinrece payis d' Lidje (apus k' do costé d' Vervî) et walon do Mitan. ^[5]

[candjî] Hårdêyes divintrinnes

• Dipus d' racsegnes so les arincrins
• Dipus d' racsegnes so l' Arincrins

[candjî] Sourdants

1. ↑ Rifondou on moumint "aréncréns". Loukîz li bate di dvize so si rfondaedje
2. ↑ Li mot egzistêye eto e gåmès (A.L.W. 8, p. 340). Li sfwait mot walon, "aran" n' egzistêye ki dins l' mot d' aplacaedje tîxhon "arantoele".
3. ↑ Loukîz el notûle A.L.W. 8. 158.
4. ↑ Loukîz al Djivêye des motîs.
5. ↑ Loukîz el mape A.L.W. 8. 85.