Åxhe
Èn årtike di Wikipedia.
Åxhe (de: Aachen , nl: Aken , fr: Aix-la-Chapelle) est ene veye almande di l' Estat di Renaneye-Wesfaleye, nén lon erî d' Lidje.
- Dimorants: 225.000 (2001)
- Sitindêye: 160,82 km²
- Pont l' pus hôt: 410 m
- Pont l' pus bas: 125 m
Ådvins |
[candjî] Culteure et tourisse
[candjî] Univiersités
- Rheinisch-Westfälische Technische Hochschule Aachen - RWTH (Univiersité tecnike di Renaneye-Wesfaleye a Åxhe)
- Fachhochschule Aachen (Grande sicole d' Åxhe)
- coxhe do conservatwere di muzike di Cologne
- Katholische Fachhochschule (Grande sicole catolike)
[candjî] Tourisse
- catedråle (rashiowe å patrimoenne daegnrece pa l' UNESCO) avou les tombes da Tchårlumagne eyet Oto III.
- måjhone del veye
- vîs cwårtîs istorikes del veye
- Ponttor et Marschiertor (viyès poites del veye)
- Ehrenmal (bokets des vîs meurs)
- Elisabethhalle (bagns istorikes avou deus såles d' årtchitecteure Novea Årt ki sont co eployeyes.)
- pont des troes payis (Dreiländerpunkt) (frontire etur l' Almagne, les Bas-Payis, eyet l' Beldjike)
- li zô Drimborner Wäldchen
- bwès d' Åxhe
[candjî] Istwere
Åxhe est cnoxhowe dispoy lontins. Les Celes et poy les Romins s' ont interessé a ses sourdants di tchôde aiwe. On-z a trové les dmanants des bagns d' camp militåre romin do 1î seke. Li no e latén est Aquis Grana
Li rwè franc Pépin l' Bref î fjha costrure on tchestea. Li prumî papiscrît ki cåze del veye (e 765) el lome Aquis villa.
Tchårlumagne, li valet da Pépin, passéve voltî les iviers låvå, po profiter des sourdants di tchôde aiwe, î costrujha on palå, et î mora e 814. Si tombe s' î trove co. Li palå da Tchårlumagne fourit pus tård rifwait en ene catedråle, ki serè 400 ans å lon li pus grande catedråle å Nôr des Apes. Elle a stî rclamêye patrimoenne di l' umanité pa l' UNESCO.
E 936, Oto I fourit coroné a Åxhe, et po les 600 ans ki shuront, tos les Impreurs do Sint Impire Djermanike î seront coronés, disk' a Ferdinand I e 1536. El Moyinådje, Åxhe esteut-st ene des pus grandès veyes di l' Impire, mins si pwès discrexhrè après.
Tins del deujhinme guere daegnrece li veye a-st avou vormint des distrujhaedjes påzès bombårdumints; ele fourit eto li prumire veye d' Almagne a-z esse liberêye påzès Aloyîs, li 21 d' octôbe 1944.
[candjî] Ôtès hårdêyes
li waibe oficire del veye d' Åxhe (en almand)
