Yuliya Tümojenko
Se Vükiped: sikloped libik
.
Jiel Yuliya Volodümürivna Tümojenko (Lukrayänapüko: Юлія Володимирівна Тимошéнко; pemotöl tü 1960 novul 27) binof bolitan Lukrayänik ä läxbalidministeran Lukrayäna (de yanul 24 jü setul 8 yela: 2005). Binof dugan paletas: Всеукраїнське об'єднання „Батьківщина“ (Balatam Valalukrayänik: „Lomän“) e Блок Юлії Тимошенко (Blög jiela Yuliya Tümojenko).
Bü ävedof jibalidministeran balid Lukrayäna, el Tümojenko ibinof balan duganas veütikün Levoluta Rojanik. Ün period at, gaseds Vesüdänik anik änäinemons ofi eli „Jeanne d'Arc“ Levoluta.[1]
Tü 2005 yulul 28, timapenäd: Forbes Magazine änemon ofi, ya balidministeran, kilidani vü voms nämädikün vola (kobü jiel Condoleezza Rice e jiel Wu Yi).[2]
Bü prim kariera bolitik ofa, el Yuliya Tümojenko äbinof büsidan benosekik ab pedöbatöl in dustod gasina, kel eliegükon ofi. Palecedof lisitan mögik balidministera Lukrayäna ün 2010.[3][4]
[redakön] Literat
- ↑ Westcott, Kathryn. The queen of Ukraine's image machine. BBC News. Pekonsulton tü 2007 tobul 5.
- ↑ McDonald, Elizabeth e Chana R. Schoenberer. The 100 Most Powerful Women. 2005 yulul 28. Pekonsulton tü 2007 tobul 5.
- ↑ Feifer, Gregory. Ukraine's Tymoshenko likely Prime Minister. National Public Radio, 2007 tobul 2. Pekonsulton tü 2007 tobul 5.
- ↑ Olearchyk, Roman e Stefan Wagstyl. tough and populist maverick. Financial Times, 2007 tobul 2. Pekonsulton tü 2007 tobul 5.
