Pachypleurosauridae
Se Vükiped: sikloped libik
| iPachypleurosauridae |
||||||||||||||
|---|---|---|---|---|---|---|---|---|---|---|---|---|---|---|
 Pachypleurosaurus edwardsi
|
||||||||||||||
| Dadiläd nolavik | ||||||||||||||
|
||||||||||||||
|
|
||||||||||||||
|
Anarosaurus |
Elafs Pachypleurosauridae äbinons räptuls primöfiks lerooda: Sauropterygia, kels äsumons bosilo melaräptuls, ed älifons teiko dü timäd: Triat. Äbinons nims luniks, de zimmets 20 jü met bal tefü lunotü. Älabons kapis smalik, särvigis lunik, limis gubafomik e göbis lunik. Limamuskuls äbinons jiniko smaliks: luveratiko nims at no äfägons ad mufön plödü vat. Tuts labü spadils vü ods ä föfio blegiks tikodükons, das nims at äfidons fitis.
Els Pachypleurosauridae (e lurood onsik: Pachypleurosauria) primo pädadilädons, e nog suvo palelogons, as limafs rooda: Nothosauroidea (Carroll 1988, Benton 2004). In dadiläds kladik anik ye padadilädons as svistagrup elafas Eusauropterygia: grup elafas Nothosauria e Plesiosauria.
[redakön] Literat
- Benton, M. J. 2004. Vertebrate Paleontology, dab. 3id. Blackwell Science Ltd. dadiläd
- Carroll, R.L. 1988. Vertebrate Paleontology and Evolution, WH Freeman & Co.
- Rieppel, O. 2000. Sauropterygia I, placodontia, pachypleurosauria, nothosauroidea, pistosauroidea: In: Handbuch der Palaoherpetologie, dil 12A, pads 134. Verlag Dr. Friedrich Pfeil. (Ninädalised.)
[redakön] Yüms plödik
In Linglänapük:
- Elafs Lepidosauromorpha: Pachypleurosauridae, lä bevüresodatopäd: Palaeos.
