Edwin Davis French
Se Vükiped: sikloped libik
Hiel Edwin Davis French (1851-1906), gavan Lamerikänik famik (ämekom elis ex libris pu 330 sis 1893), äbinom Volapükan jäfedik; älärnom i Sperantapüki.
El E. D. French pämotom in North Attleborough, in tat: Massachusetts (Lamerikän). Äprimom karieri okik ün 1869 me gavots largentik pro el Whiting Manufacturing Company. Poso ävedom liman-fünan ä kipedal Kluba Lamerikänik Lekanas Jönik. Vob omik päflunon fa hiel Albrecht Dürer e hiel Charles W. Sherborn. Dunetäbs mödik oma ädutons lü el Grolier Club: klub bukilöfans in New York.
Änitedälom vemo in Volapük (äspodom ko Volapükans in Yurop ed äkevobom lunomiko ko gased: Volapük: Gasedil mulik püka bevünetik), ed in püks mekavik votik (älärnom i Sperantapüki).
El E. D. French älabom fikulis saunik dü lifüp ti valik oka. Äklemom studis okik lä Niver ela Brown dü yel telid sekü ftisid, kel fino pos yels mödik ädeidon omi.
[redakön] Literat
- Brainerd, Ira D. 1908. Edwin Davis French, a memorial: his life, his art. New York: The De Vinne Press.
- Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
[redakön] Yüms plödik
In Linglänapük:
- Yeged dö el French ed el Grolier Club, se bevüresodatopäd: Libraries & Culture (päpüböl ün florüp yela 1985 in el Journal of Library History, toum: 20, nüm: 2, pads: 196-199).
- Yegedil dö el French fa jiel Mary E. Oemisch, päpüböl in el University of Rochester Library Bulletin ün febul yela 1947 (toum: 2, nüm: 2).
- Bepenam brefik penädas hiela French (keninükamü penäds Volapükik) lä Bukem Notidik di New York.
