Woaregem Koerse
Uit Wikipedia
Woaregem Koerse es en evenement da iedre joare deuregoat in Woaregem. Et es et belangrikste evenement van die stad, en 't goat deure den êesten dissendag achter de latsten zundag van ogustus, en dat ol 155 joar. Aloewel de koerse zelve moa ênen dag deuregoat, zyn der de hêle latste weke van ogustus in Woaregem fêestn. Er es ôok de verkiezienge van "Miss Woaregem Koerse".
Inoud |
[bewerkn] Sportief
Woaregem Koerse es en peirdekoerse, met 4 indernisrenn'n en 4 drafrenn'n round de Goaverbeke ippodroom van Woaregem. Der zyn verskillende wedstraid'n, moar den belangriksten es de Grôte Steeple Chase van Vloandern, woarin reuter en peird en indernissnparkoers moetn oafleggn. De mêest tot de verbeeldienge spreek'nde indernisse es de Goaverbeke.
[bewerkn] Mêest recente oitsloagn van de Steeple Chase
- 2006 Porcher S. me Yalsadam (FR)
- 2005 Hondier X. me Gael D'Angron (FR)
- 2004 Guiheneuf J. me The Top (FR)
- 2003 Milière N. me Herculanum (FR)
- 2002 Guiheneuf J. me Repere (FR)
- 2001 Guiheneuf J. me Galapagos (FR)
[bewerkn] Varia
- Ieder joare es'ter protest van Gaia teegn wa da ze nomne 'de onminselaike behandelienge van de peirden'.
- Woaregem Koerse es het belangrikste evenement in de provinsie vôo de minsen me kloiten: van de boeren, bêestemesjangs, textielbaroengs, commercanten teut de klaine zelfstandigen me veel (zwart) geld. Da kundje ôok zyn an de sponsors: Mercedes, ne grôotn bank en champagnemerk, ...
- Tès ôok de ideoale plekke voe ulder goudewerk en raikdom te shown: zo es 't er ieder joare een grôo spel round den oed dat de madams droagn.
- Omdatter zôvele sponsors zyn kundje redelaik gemakkelik an drankboenkskes groaken: t'es tons ôok en drynkfêeste.