Vincent Van Quickenborne
Uit Wikipedia
- Dit artikel es geschreevn in 't Kortryks, en da zou best ozô bluuvn.
Vincent van Quickenborne (°Gent, 1 ogustus 1973) , oftewel 'Q', es ne minister in de federale regering Leterme I (2008).
Van Quickenborne is nen Kortrykzoan en ie komt ip voe de Open VLD. Vôo de moment es ie in Leterme I 'minister voor Ondernemen en Vereenvoudigen'. Ie wilt dat doene ip en pragmoatische maniere, juste lik dat'n Stoatssecretaris wos: j'oat en lyste van onzinnige administratieve wettn gemakt en ie wildige ze êen vôa êen ofskaffn.
Oloewel dat ie nog redelik jonk es, eit ie toch al veel woaterkes deurzwommn. Je kwam êest ip voe de VU&ID, d'r'achter met Spirit om te endign in de VLD, nu Open VLD. In 't begun wos't ie surtout gekend voor zyn stunts (peis moar an de joint histoire in et parlement en et bezoek by Louis Tobback ols lid van de Witte Comités), moa de latste joarn begunt'ie ollik en bitje serieusker over te komn.
J'eit em by de pers nie al te populair gemakt ton dat ie me prins Filip en Mathilde ip andelsreize noa Zuud-Afrika is getrokkn en constant me zynn kop ip de fotto probeerde te g'roakn, onder andre nevenst Nelson Mandela en Desmond Tutu.
[bewerkn] Polletieke carrière
- Senoator in België (1999-2003)
- Gemêenteroadslid in Kortryk (2001-2006, 2007- )
- Stoatssecretaris in België (2003-2007)
- Minister voor Ondernemen en Vereenvoudigen in Leterme I (2008- )
[bewerkn] Varia
In 2007 eit ie en West-Vlamsche koarte uutgebrocht (voe verkieziengsdrukweirk voo de Federoale parlementsverkieziengn 2007) die dudelik geïnspireerd wos ip de West-Vlamsche wikipedia.