R8
Uit Wikipedia
- Dit artikel es geschreevn in 't Kortryks, en da zou best ozô bluuvn.
Den R8 es de ring rond Kortryk. Ies nogol ingewikkeld ipgebouwd, omdat ie ut stikken otostrade en stikken snelweg bestoat. Da komt omdat de ring nie volledig ofgewerkt es. Een andere eigenoardigeid es dat ie nie rechstreeks ip de E17 anslut, moar da je via twiè ingewikkelde constructies keunt verandern. Ièn van die constructies, het Ei van Kortryk, ès êen van Belgisch mêest originele weegnbouwconstructies.
[bewerkn] Traject in wizzerzin
- Ge komt via de afrit Kortryk Zud van ip de E17 ip de R8 via het beruchte 'ei'.
- Een volgend belangryk punt es de ofrit noar de A19 (en verder de E403), woar da je rwoo luchten eit. De otostrade es ier nen geweune snelweg gewordn. De reden van het gevoarlik punt es dat de normale ipritten nooit ofgeweirkt gewist ein.
- Daarna rie je weer ip een stik otostrade in zyn eigen beddinge me ofrittn noa Gullegem en Eule.
- In de Industriezone van Kuurne stopt de otostrade en hoa je over ip de Ringloane, nen geweune snelweg. Da komt omdat de otostrade ier nie verder ofgeweirkt es. Een belangryk complex ier es het Ring Shopping Center.
- Ip een volgend punt, an n'ert in Kortryk, passeer je an een onofgewerkte (olve) brugge. Ipnieuw een gevolg van de onofgeweirkte stoat van de ring.
- Een bitje verder goa je ipnieuw ip een stik otostrade, me ofritten noa Stoasegem.
- De R8 eindigt met een iprit noa den E17.
