Plechtige communie
Uit Wikipedia
De kienders die in 't zesde stuudjoar zitten doen under Plechtige Communie, ook wel Illig Vormsel genoemd. Binst de Plechtige Communie wordt de ernieuwinge van de doopgelofte gedoan.
De joungen of et meistje belooft nu zelve vo den èèste ki van een goeie kristen te zyn. Da gebeurt binst een messe, normoal gezien deur den bischop, mo soms oak deur een paster omda den bischop nateurlik nie overols kan zyn. De joungen en et meistje moetn ton knielen vo de bischop binst da de peter of de meter achter under stoat. De bischop zalft under tonne.
De organisoasie van de Plechtige Communie is in de mèèste gevollen in anden van de parochie. De moanden vo de Plechtige Communie moen de kienders no de lèèrienge goan wo dan ze ounderricht krygen in de catechese.
Den dag van de Plechtige Communie is 't er ton mèèstol een groate fèèste me hèèl de familie en me vele cadeaus en vele eten en drienkn. Oeders die under loatn goan maken der een klèène trouwfèèste van.
De socioale wetgevienge vôorziet een dag klèèn verlet vo wien dat een kiend eet da zyn of ur plechtige communie doet.
