Piet Huysentruyt
Uit Wikipedia
Piet Huysentruyt (7 december) es van Kuurnse ôorsprong (mêer bepoald van Sente), kok en eigenoare van restorangs, moar es by 't grôte publiek vôorol gekend van zyn iptreedns als TV-kok ip VTM.
Inoud |
[bewerkn] Restorangouder
Piet volgdige zyn opleidienge in de otelskole Ter Duinen in Koksyde. Piet Huysentruyt es begunn als kok in een restorang in België, achter 'n endeke oat y t'zyne dat achter nen tyd een Michelinsterre krêeg. In de recentere joarn eit ie een restorang begunn in Vrankryk, mêer bepoald in den Ardêche, met de noame Le Lutin Gourmand. Ie eit da noar eign zeggn gedoan vo de drukte in Vloandern te ontsnappen. Da restorang èt ie in 2006 were gesloten omdat het een sorte van bedevoartsoord wo gekommn vo Vlamiengn die ip voyoaige woaren in Vrankryk en dat azoa were druk wa gekommn.
't Eit em lange diepe gezeetn dat 'n in de begunjoarn als kok nôoit - noar eign zeggn - respect kreeg van d'ander koks omdat 'n toen veel nieuwe dingn probeerde. Dat is voor em een grôte motivoatie gewist voo keiard te bluuvn werkn en nie ip te geevn.
[bewerkn] TV-kok
Piet Huysentruyt kwam nationoal in de bekendeid deur zyn programma Lekker thuis, woarin dat ie êest me Mimi Smith en loater me Ilse Demeulemeester als assistente in 10 minutjes een hêel gerecht vôorsteldige. Doarachter kwam ton nog De perfecte keuken en SOS Piet, woarin dat ie geweune minsn gink goan elpn die een bepoald gerecht hêelsan noa de wuppe elptn (gekende uutsproake: En wat hebben we nu geleerd?, woarip dat die mins in e poar puntjes moeste zeggn oe dat 't wel moest zyn). Ol die programma's woaren of zyn ip VTM. In die programma's es't ie gekend voo een aantal typiske uutsproakn, gelik Zieded? (kort West-Vlams vo Zie je het?). Zyn typiske maniere van doen es me zyne kletsekop ôok ol dan niet e bitje gespeeld te stoan greitn met d'ander minsn in 't programma.
[bewerkn] Commercant
Piet Huysentruyt eit een massa kookboekn geskreevn, een aantal noamn: Kookbijbel, Piet's Pan, Alles in de wok, Hartvriendelijk koken (een boek vul me cholesterolarme receptn),...
Piet Huysentruyt eit ôok e gamma van kruudn en bouillons ip de markt, woadat ie reclame vo makt in zyn programma's.
