Papa Don't Preach
Uit Wikipedia
"Papa Don't Preach" is e liedje van Madonna en de tweide single van eur derde studio album True Blue (1986).
Papa Don't Preech is uutgebrocht in de zomer van 1986 en kwam op nummer 1 in de hitlystn van Amerika, Australië en Iengeland, woada 't ook et bestverkochte nummer van 't joar was. Et lied wier geschreven deur Brian Elliot.
[bewerkn] Informoasje
"Papa Don't Preach" is e liedje met als spreker e tienermeisje da an eur pa vertelt da ze in verwachtieng is, en da ze van plan is voe 't kiend groot te briengn. Typisch voe Madonna kwaamt er wère controverse over et liedje, omda 't ounderwerp nogal taboe was. Ze kreeg kritiek omda ze abortus ofkeurt. Nooit et Madonna eur do etwa van angetrokkn.
Omda je in de videoclip de tieneroeders als twèè knappe, welstellende menschn ziet, en gin orme menschn, die ook tienerzwangerschappn meemaakn, kreeg ze lovende commentaarn omda ze abortus ofkeurt, moa kritiek omda ze tienermoeders zogezeid opemelde.
"Papa Don't Preach" trekt van geluud en structuur e bitje op Sam Harris' z'n liedje uut 1984, "Sugar Don't Bite". Ze is ton ook angeklaagd deur Donna Weiss en Bruce Roberts, de tekstschryvers.
De vioolintro van 't liedje wier als sample gebruukt in eur "Confessions On A Dance Floor"-album in et liedje Let It Will Be.
Kelly Osbourne makte ook e cover van et liedje, voe eur zangcarrière te beginn'n.
