Mythe
Uit Wikipedia
De mythe is een veroaltje, da koemt van t Grieks woord "mythos" en da betêeknt "t gesprookn woord". 't Bevat mêestol wel een wysheid woar da j' een twuk uut kunt leern.
De mythe et een poar belangrikke eignschappn:
- 't goat mêestol over goodn en alfgoodn
- de mythe is platsgeboendn, wa wilt zeggn da z'eur ofspeelt up de plekke woar da ze is ountstoan
- ze geeft mêestol een verkloarienge, voer een twuk dat de mens nie goe verstoat
(bv. oardbeviengn, den bliksm, 't wisseln van de seizoenn...)
- de mythe wordt moundelieng overgeleverd
Mêestoal koemt et geweun nere up et principe van de deus ex machina. Ot de mensn 't nie mi kunn uplossn, koemt d'r ne god of nen eld, en 't goat ollemolle were goed.
Wyder kenn vôorol de mythn uut de klassieke oudeid, lik van by d'Oude Griekn of de Germoann.
Wat da veel mensn nie weetn, is dat der ôok veel van oeze uutdrukkingn zyn ofgeleid van die mythn. Ier zie j' der een poar:
- 't Zwoard van Damocles biengelt boovn joen kop
- een twien me Argusoogn bekykn
- sisyfusarbeid verrichtn
- zwoanegezang
- 't trojoans peird binnoaln; nen trojoansn virus
- een tantaluskwellienge
En azô zyn der natuurlijk vrêe vele.