Lisbourg
Uit Wikipedia
Lisbourg es e klene gemeente in et Fransche departement Nauw van Kales in de regio Nord-Pas de Calais. D'r weunn à peu près zesounderd mienschn.
D'r kommn veel (surtout Vlamsche) toeristn kykn na Lisbourg want doar, up en ogte van 114,7 m, ountspriengt de Leie.
[bewerkn] Leiebronne
Lisbourg noemde in 844 Liegesborth. Dat es Oudnederlands vo "geborte van de Leie". De Leiebronne ligt up 150 mèter van de Sint-Omaarskerke.
De bronne es nen artesischn pit mè een debiet van zo'n 3 m³ per mineute. 't Woater komt uut krytloagn in 'n ounderground.
De Duutsche èn in WO II geprobeerd van de diepte te meetn. Ze zyn meer of 200 mèters diepe gerocht, moa under meetinstrumentn giengn nie vodder dan da.
[bewerkn] Nieuwe bronne
In 1984 èt de bronne eur zo'n 15 mèter verleid en begoste ze omoge te speitn in 't middn van e stroate die doa toun nog liep.
Vo woaterprobleemn in 't geburgte te vermyen, èn de Fransche autoriteitn de nieuwe bronne verboundn mè d'oude bronne. Ol 't woater lopt nu weg langs 'n oorsprounkelikkn weug.
't Woater èt e melkachtig kleur. Da komt deur de vele kolk die in 't woater zit en da van de krytloagn komt. 't Woater es in olle gevol styf zuver.
[bewerkn] Ofbeeldiengn
|
|
|
|
