Lange Wapper
Uit Wikipedia
Lange Wapper wos e reuze uut Antwerpn die, vogens vertelliengsjes uut 'n 16sn êeuw, de menschn benauwd makte. Idder ki dat 'n etwien benauwd emakt adde, liept 'n weg en e begust te lachn lik e bezeetn.
Lange Wapper wos indeliks grôot e grâtemoager. 's Nachts goenkn op toer, lasen d'oevers van de Schelde, om achter de drounkoars te zittn. E koste nem oek styf klêne moakn, moar at 'n achter etwien zat, kwaamt 'n ossan moa grodder e grodder.
D'r bestoan vele vertelliengn over nem. 't Bekendste in Antwerpn is de ki dat 'n nem veranderde in e meisje die vier vreyers adde. E liet die vreyers benauwelikke diengn doen, en te lange laste woarn z'olle viere dôod.
Lange Wapper wos gin froaioard. Nu en ton verandernde ze zelvn in e klêen kiend om moedermelk te kunn drienkn. Moa d'r bestoan oek vertelliengn woarin dat 'n gemêne menschen kult.
[bewerkn] Verêeuwigd
- An 'n ingang van Het Steen stoat er, sedert 1963, e standbeeld va nem.
- In de strip De Zwarte Madam van Suske en Wiske (nummer 140) speelt Lange Wapper e grôte rolle.
- In Antwerpn is 't er oek e plingsje da na nem is vernoemd: Wapper.
- De nieuwe brugge die ze in Antwerpn goan bouwn over de Schelde go na em genoemd wordn.