KULAK
Uit Wikipedia
- Dit artikel es geschreevn in 't Kortryks, en da zou best ozô bluuvn.
De KULAK, of De Katholieke Universiteit Leuven Campus Kortrijk, es de ofdêlienge van de Leuvense Universiteit die geleegn es ip 't Ôoge in Kortryk. De 'A' in de noame wyst ip de vorige noame, in plekke van 'Campus' wos't ton 'Afdêlienge'. Moar omda ze da nie gèern ôord'n omda da de zelfstandigheid van de unief in vroage stelde, ein ze der ton 'Campus' van gemakt. Omdat KULCK nie echt goe klienkt, en niemand da dus gebrukte, es de afkortienge KULAK wel gebleevn.
[bewerkn] Geskiedenisse
De KULAK es van start gegoan in 1965, als antwoord ip de vroage om het universitair onderwys dichter by het volk te bringn (zo es ook de universiteit in Limburg ontstoan, gekend als 'Diepenbeek'). Z'es sterk verbond'n met de unief van Leuven, want in Kortryk keun je ollêene moar Bachelor-joarn volgn, woarnoa daje verondersteld weird om noar Leuven te goan. De KULAK eit ol verskillende nieuwe richtingn gekreegn, moar zi nôoit mêer dan een duuzdtal studentn g'ad. Deurêen de joarn eit de KULAK ol verskillige rectors gehad:
- 1971 - 1991: Guido Maertens
- 1991 - 1992: Frans Van Cauwelaert (overleed'n achter de openienge van zyn êeste academiejoar als rector)
- 1992 - 1996: Vic Nachtergaele
- 1996 - 2001: Marcel Joniau
- 2001 - nui: Piet Vanden Abeele
[bewerkn] Ipleidiengn
Bachelorjoarn in de economische wetenskappn (ôok handelsingenieur), Toal- en Letterkunde , Geskiedenisse, Rechten, Weetnskappen, Informatica en geneeskunde.
